云手工火鍋店

隔咗好耐再嚟呢度，最令我念念不忘嘅绝对系佢哋嘅汤底！上次试咗清甜滋润嘅三椰鸡汤，今次转个口味，试吓个沙白蟹锅——果然无令人失望！店员好贴心，即场用白酒炒香啲沙白同蟹，香味「嘭」一声爆发出嚟，跟手倒入浓郁高汤，一滚起我已经急不及待饮咗两大碗！汤底鲜甜到不得了，只蟹有膏又实肉，啲沙白只只都肥尾，胡椒香气同海鲜精华完美融合，饮完成个人暖笠笠～之后落埋菇菌同支竹索味，正！🍢 手打黑松露墨鱼丸 + 凤城水饺墨鱼丸真系无得输！咬落去「啵啵声」超弹牙，仲食到粒粒黑松露味，诚意十足！凤城水饺细细粒但馅料饱满，虾肉同猪肉比例啱啱好，两啖一粒刚刚好～🥩 安格斯手切牛肉牛魔王必点！油脂分布好似雪花咁靓，牛味浓得嚟唔会腻，轻轻灼8-10秒，入口嫩滑到差啲唔使咬～蘸少少沙茶酱已经无得顶！🥬 杂菇拼盘 + 莴笋打边炉点可以冇蔬菜？杂菇够晒多款，莴笋清新爽脆，平衡返啲肉气，食完都唔觉滞～🍯 自家制竹蔗茅根水惊喜位！谂住打边炉实热气，点知佢哋嘅竹蔗茅根水清甜润喉，完全系「灭火神器」，饮完成个人都舒服晒～总结：汤底认真、食材高质、服务细心，无论想补身定解馋呢度都系好选择！已经同朋友约定下次再嚟试埋个冬瓜盅汤底～ ✨…查看更多

今日同老公去咗尖沙咀瑞生酒店附近嘅云手工火锅店，实在太开心啦！我之前有朋友嚟住过，佢哋话个火锅很好食，再加上我哋今次想揾地方食火锅，就决定一试。一入到餐厅，发现环境真系好靓、好舒服，装修得好有情调，冷气够够力，仲有空气流通，完全唔会觉得闷。然后，就啱啱到咗我哋嘅桌位，职员热情咁过来迎接。打开Menu，发现好多特色火锅汤底，真系令我眼花缭乱。职员见我哋犹豫，特别推介咗个名叫「火焰三椰鸡锅」，话呢个汤底好甜，又有鸡肉同椰子，加埋酒点火煮出嚟嘅味道一定劲好。听到呢个介绍，我即刻决定试下！之后，我哋再点咗一个中size嘅牛肉拼盘，入面有本地牛肉、安格斯、牛脷、牛胸爽、牛心掟、牛柳粒，仲有香煎鹅肝墨鱼丸半份、手打芝心牛丸半份、自家制黑松露蟹肉搅拌份、台湾宽粉以及一串牛舌心串烧，真系齐全到爆！职员落单后，仲会畀我哋一个九宫格，可以选择唔同嘅酱料自已混合，感觉好有趣。然后，套餐嘅火锅走过来，佢喺我哋面前煮汤，竟然先将鸡件煮熟，再加入酒点火，瞬间香气四溢，仲会加椰皇水和椰青水，煮出嚟真系无得顶。等汤煮滚，职员非常细心，帮我哋撇走汤面嘅油，等我哋饮嘅时候就唔会太油腻。试完汤，真系不得了，汤系甜得来又好味，饮完一碗又想再来一碗。啲鸡肉嫩滑加上椰香，令人回味无穷。然后，我第一时间就将台湾宽粉放入汤底，想等佢吸足汤嘅精华。再讲一讲牛舌心串，烧得刚刚好，咬落去唔会干，而且啲辣粉调味都恰到好处，超级好味。牛肉拼盘入面嘅本地牛肉、安格斯、牛柳粒都真系新鲜到爆，完全唔需要配任何酱料。牛脷爽口，牛胸爽同牛心掂，我第一次试，真系意想不到咁好食！自家制黑松露蟹肉饺，实在一流，鲜香四溢，令我好满足。香煎鹅肝墨鱼丸更系弹牙，食落去口感极好。而手打芝心牛丸就要小心食，咬下去时入面嘅芝心会爆出汁，真系好惊喜！最紧要我终于等到啱啱煮好嘅宽粉，啲宽粉已经吸足咗汤嘅精华，味道简直了得，每条粉都浸满鸡汤！真系好好食，根本停唔到口。总括而言，呢间云手工火锅店真系好细心，甚至啲丸同饺可以叫半份，咁我就可以试多几款，唔驶担心浪费。今次嘅经历绝对令我和老公都满意，期待下次再来再次享受呢种美味！#云手工火锅 #尖沙咀火锅 #火焰三椰鸡锅 #火锅 #香港美食 #九龙美食 云手工火锅店 (尖沙咀)尖沙咀加连威老道20号瑞生尖沙咀酒店3楼…查看更多

放题火锅就食得多，今次去咗间系酒店下层好高质，又搞啲花臣嘅手工火锅店🔥佢哋仲要有房可以唱住K打边炉🎙️隔音都做得几好🥥火焰三椰鸡锅 $348汤底拣咗呢个，店员会将材料分开上，喺你面前煮左啲火焰鸡先，然后加入，倒入椰青、椰皇同埋上汤，成件事真系几有睇头！滚左之后隔走啲油就饮返两碗汤先，食完鸡再打边炉！🍆招牌惹味炒茄子 $68薄薄一层炸粉，表面淋上炸蒜，有少少似避风塘，嫩滑多汁！🥩水晶滑牛 $128手切牛肉，倒入鸡蛋捞匀，食起黎更滑更好食！🦐手打咸蛋黄虾丸（半份） $52将咸蛋黄酿咗入虾滑入面再做成虾丸，手工嘢好爽弹，食到中间有惊喜🥟自家制黑松露蟹肉饺（半份） $68呢个亦都系手工嘢，饺子咬落去黑松露香味已经涌出嚟，馅料有唔同嘅菇同蟹肉，又滑又香！🥬唐生菜 $48🥢鲜枝竹 $38…查看更多

餐厅：云手工火锅地址：尖沙咀加连威老道 20号瑞生尖沙咀酒店3楼食过返寻味，今日带妈咪嚟呢间酒店叹火锅，食物水准keep住高质，环境当然系舒服，服务绝对殷勤，对老人家特别关顾👍今日叫咗个火焰三椰鸡锅，真材实料，　睇住侍应生将椰青、椰皇同切片椰肉加落去𠮶半只鸡件度做汤底，难怪汤底好甜，我哋饮一大碗先至开始打边炉❤️半份嘅手打咸蛋黄虾丸好弹牙，咬开仲有咸蛋黄流心；妈咪就最钟意𠮶个手打芝心牛丸，因为佢系芝士控🤣；个黑松露蟹肉饺都好足料，松露香好出；凤城水饺大大粒够足料；杂菜拼盘够新鲜，有唐生菜、津白、粟米、番茄同比较少有嘅冰菜，吸晒啲汤汁一齐食，掂🥰另外都试咗两串串烧，玉瓜串烧得刚刚好，够香口，好味道😀整体嚟讲，我哋好欣赏呢度嘅舒适感觉同优质食材，下次想食火锅应该会再嚟试其他锅底🤗…查看更多

天气凉凉地…又到左打边炉嘅时间…之前已经系依间食过一次….但仍然被佢嘅火焰三椰鸡锅深深吸引住…蓝色火焰包裹著鲜嫩鸡肉同三种椰香精华…瞬间点燃对美食嘅期待…🐾招牌必点：火焰三椰鸡锅这锅汤底绝对值得专程而吸！新鲜鸡件系侍应淋酒嘅瞬间….燃起幽蓝火焰….不但夺目…更令鸡皮微焦锁住肉汁…. 鸡肉滑嫩不柴….随后注入清甜椰青水、浓郁椰奶同天然椰肉熬煮…汤底非常清甜….打边炉前就已经饮左几碗….🐾手打黑松露墨鱼丸墨鱼胶混合黑松露….每一啖都食到浓郁嘅菌香….好弹牙…🐾手打咸蛋黄虾丸虾丸鲜甜爽脆已经好上乘….入面更有流心咸蛋黄！一咬落去…金黄蛋酱涌出….好好味🤤🐾鲜虾云吞透薄云吞皮裹著大鲜虾…肉质紧实弹牙….鲜味十足…🐾水晶滑牛只需轻涮几秒…入口软嫩细滑…肉香浓郁….🐾台湾水莲翠绿细长嘅茎部爽脆无比…带著植物清香….系三椰鸡汤中轻涮数秒…吸饱汤汁仍保持脆度……查看更多