楚撚記大排檔 (寶光大廈)

营业中

休息中

早幾日黎土瓜灣睇完中醫, 順便醫肚~~黎到好多朋友介紹既楚撚記，終於都食到!!排左一陣隊, 好快入左去, 原來入面好大!望下menu 都有好多野想食～先左個七味黃金炸一口金磚豆腐，外脆內軟，好正呀～另外當然要試下個鳳尾蝦多士，鮮蝦配合小麵包以油炸成，蝦肉非常彈牙，多士又脆口，唔錯！主食點左熱辣辣麻辣雞煲，雞肉份量都好多，而且麻辣得黎又嫩滑，好惹味！仲點左個懷舊豬油撈飯(復刻版) , 豬油撈飯以砵盛著，上枱時連豬油、豉油、葱花、芫荽分開上，自己按份量撈，每啖飯食落油脂濃郁，正！黃金炸饅頭香口又飽肚！！最後食完仲有甜品送，蕃薯糖水同清心丸，成餐飯都大滿足～～overall 都好滿意~ 下次可以試下其他野！