楚撚記大排檔 (寶光大廈)

今晚約了好朋友去土瓜灣分店食，我第一次到這間分店吃，人氣還是多年不減，足見其吸引力。裝潢帶點懷舊茶記風味，整潔有序，氣氛親切。拔絲焦糖香燒脆腩仔以為是普通的燒腩仔，外皮酥脆，拔絲焦糖圍住整碟燒腩仔，想不到一鹹一甜會如此會match，加腩仔的香脆令人十分回味。肥瘦分明，入口油香四溢。燕麥金沙蝦球蝦球泡過油，蝦肉彈牙。外層混合燕麥與鹹蛋黃，鹹香中帶穀物的口感，層次豐富。鹹蛋黃香濃但不膩，與蝦的鮮味互相提升，鹹蛋黃邪惡，麥皮健康，點會想到這個配搭？實在令人驚喜！XO醬翡翠炒花枝片見到牆上面有海報，是新菜式，花枝片切得厚薄適中，炒至剛熟，保持爽滑彈牙。XO醬香辣適中，帶有干貝與蝦米的鮮香，炒得火喉十足，西芹和荷蘭豆都好爽口清甜！懷舊豬油撈飯白飯粒粒分明，淋上熱豬油與豉油，香氣撲鼻。豬油滑而不膩，與醬油融合後帶出米飯的甜味。加上少少蔥花，提升香氣。是地道的懷舊滋味。竹蔗茅根紅蘿蔔馬蹄水竹蔗紅蘿蔔甘甜，茅根清熱，特別適合炎熱天氣同解油膩。…Read More

記得之前喺土瓜灣舊店食過已經覺得好正，知道佢哋搬咗新址之後，一直都未有時間來食，哩晚就同老公專程過嚟幫襯。一入到去，已經覺得裝修好正🤩充滿懷舊風情，霓虹燈牌好有特色，冷氣夠涼，地方又大，氣氛好熱鬧，好適合約班朋友嚟吹水、飲啤酒🍻🍺！餐牌有好多創新菜式，睇吓我哋叫咗咩先～黑松露醬爆漿手工乒乓球牛丸熱辣辣一咬就爆漿，黑松露醬好香濃，牛丸果然係手工製，非常彈牙😋！燕麥金沙蝦球蝦肉大大隻又爽彈，底層鋪滿鹹蛋黄醬，沾上脆脆嘅燕麥，食到停唔到口～鑊氣豉椒炒蜆夠晒鑊氣，份量十足，個汁好濃郁，沾滿每粒蜆肉🤤真係好惹味！芝士琵琶豆腐首先要讚個芝士汁好濃郁，豆腐好滑溜，口感一流😋楚撚冰凍大檸茶真心大杯😂夠晒解渴又解膩，飲完超滿足！總括食物高質夠創新夠穫氣🔥樓面姐姐很親切友善，最後仲有糖水送添，餐廳宵夜時段仲有88折，下次收夜都可以來食啊。…Read More

懷舊港式大排檔風情聞名，霓虹燈牌與紙皮石地板營造濃厚香港情懷。🈲餐廳環境舒適，室內冷氣充足，惟旺時稍嘈雜，適合愛熱鬧的食客或朋友聚會。服務快捷，店員態度親切，增添用餐樂趣。😊🌶️ 麻婆豆腐（約HK$88）｜香辣過癮麻婆豆腐色澤紅亮，豆腐嫩滑，綴以肉末和花椒，辣香撲鼻。🌶️入口麻辣交織，辣度適中，帶微嗆刺激，豆腐吸汁入味，搭配白飯完美。惟油分略重，建議搭配清爽菜式平衡。🍚🍅 蕃茄炒蛋（約HK$78）｜經典窩心蕃茄炒蛋色澤鮮艷，蛋花蓬鬆，蕃茄酸甜多汁。🥚入口蛋香濃郁，蕃茄汁液豐富，甜酸平衡，簡單卻滋味十足，令人回味家常風味。😋🍆 肉碎茄子（約HK$98）｜鑊氣十足茄子切條炸至軟糯，配香辣肉碎，色澤誘人。入口茄子嫩滑，吸滿醬汁，肉碎鹹香帶微辣，鑊氣濃厚，送飯一流。🍲惟茄子略油，建議快速食用以保持口感。🍗 鹽焗雞（約HK$138）｜招牌必試鹽焗雞皮脆肉嫩，金黃色澤，香氣四溢。🐔入口雞肉鮮嫩多汁，鹽香入味而不過鹹，搭配薑蔥醬更添風味，份量十足，性價比高。👍🦪 豉椒炒蜆（約HK$108）｜鮮味爆發豉椒炒蜆鮮味濃郁，蜆肉飽滿，配黑豆豉與青椒，香氣撲鼻。🦪入口鮮甜，豉香濃烈，微辣開胃，惟蜆肉偶有細沙，略影響體驗。😅🥬 炒通菜（約HK$68）｜清爽配角通菜炒得爽脆，蒜香突出，色澤碧綠，簡單卻清新，完美平衡其他濃味菜式。🥗🏙️ 環境與性價比｜懷舊高質餐廳以懷舊大排檔風格吸引打卡，惟座位稍擠。人均約HK$100-200，菜式份量足，食材新鮮，性價比高。楚撚記以正宗港式小炒及用心料理，帶來滿足的用餐體驗，值得一試！🌟…Read More

最近去咗人氣大排檔✨楚撚記✨食晚飯，真係好熱鬧！呢間餐廳永遠都係滿座，食物選擇多到你眼花撩亂👏🏻👏🏻網上睇到好多人推介，無怪乎全場都咁多人！價錢又唔貴，份量又足，最啱朋友聚會一齊食。餐廳內部設計好有港式大排檔嘅feel，環境又乾淨😚**脆皮炸豬手 - $166** 呢道菜真係一絕！外面酥脆，裡面嫩滑，皮膚好crispy，肉質又鮮美，搭配佢哋特製醬汁，味道升華到無得輸。份量又多，食完真係好滿足😍**椒鹽鮮魷 - $108** 呢個真係好有驚喜！鮮魷口感彈牙，椒鹽味道恰到好處，食得好開心。**猴頭菇蟲草花煲豬骨湯 - $118** 呢個湯真係特別好味，猴頭菇同蟲草花煮出嚟嘅滋味濃郁，口感一流，最正係完全冇加味精。每張枱都有人點呢個湯，份量足夠分五碗，作為愛飲湯嘅我，真係好中意呢個味道。最後仲送咗紅豆沙糖水，煲得又沙又正😍總括來講，楚撚記真係一個唔可以錯過嘅好地方，無論係食物定環境都超級推介！…Read More

早兩日同朋友去咗食小菜，店內裝修十足舊時港式大排檔格調，叫左幾道招牌菜，估唔到食出驚喜香煎黑松露手打蓮藕墨魚餅呢個墨魚餅真係無得輸，一上枱就聞到陣陣黑松露香，煎到外皮香脆，咬落去夠哂彈牙，入面仲有蓮藕粒，增加咗爽脆口感，食落唔會覺得膩，夾雜中間墨魚鮮味同黑松露香味，整個味道即刻變左高級版街邊墨魚餅，必試!椒鹽九肚魚九肚魚炸得啱啱好，外皮酥脆薄身，入面魚肉依然保持到嫩滑，椒鹽調味唔會太鹹，仲帶少少蒜香同辣椒碎，好惹味，送啤酒真係一流，愈食愈停唔到口菠蘿拔絲咕嚕肉（梅頭）好少地方會咕嚕肉同拔絲分開，梅頭豬肉肥瘦適中，炸到外脆內軟，個酸甜汁調得啱啱好，唔會太甜，夾少少拔絲一齊食增添多個脆甜口感，原來咕嚕肉當中仲有脆粒焦糖脆脆，食完件咕嚕肉再食返粒焦糖脆脆好過癮，之後再食返舊多汁菠蘿同蜜桃解咗油膩感 楚撚豬油撈飯懷舊豬油撈飯簡單得黎又超級邪惡，倒入豬油香到不得了，撈埋豉油同飯，每一啖都係童年回憶，加咗少少蔥花食香氣更濃，細細碗兩份食夠哂最後點都要叫杯楚撚記冰凍大檸茶解渴解膩先至圓滿呢幾道菜樣樣都夠鑊氣，味道正宗得來又有少少創新，價錢合理，絕對會再encore，值得一試…Read More

土瓜灣嘅楚撚記大排檔真係好有氣氛。入到餐廳就係典型港式大排檔feel，不過有冷氣、坐位又多，枱同枱之間唔會逼到貼身，講嘢好放鬆。 牆身有舊香港味道嘅裝飾.楚撚記原隻脆皮炸豬手，份量十足，放上枱已經好吸睛。外皮炸到好香脆，咬落去「咔嚓」一聲，脂肪位好冧又唔會膩，入面豬手肉啖啖肉，嫩滑又Juicy，啲肉同骨位都炆得好入味，夾少少芥末或者醬汁一齊食.西檸煎軟雞都好好味，雞扒先炸到表面微脆，再配埋檸檬汁同醬汁，酸酸甜甜好開胃。 雞肉保持到嫩滑彈牙，唔會乾柴，每件都索滿檸檬香同甜味，食落去爽口又Juicy.生炒糯米飯用咗臘腸、臘肉同蝦米炒，整碗都好香，糯米粒粒分明又有咬口，好Q好煙靱但唔會黏到一pat。 臘味油香滲晒入去，啖啖都有鹹香同微甜，配埋蔥花同蛋絲，味道層次好豐富，細碗嚟講份量都幾足，兩個人share當主食啱啱好。豉汁生炒涼瓜片嘅涼瓜片切得薄身，炒得好爽口，保留少少脆度之餘又唔會有生青味。 豉汁味好惹味，帶少少鹹香同蒜香，將涼瓜嘅微苦壓住，剩返清爽同鮮甜。飯後仲送糖水，好味過專門出去食糖水！超級有誠意啊！…Read More

天氣轉涼突然好想食大排擋，我地就揀咗位於土瓜灣既楚撚記食晚餐，見到餐排上面有新既砂鍋粥就點黎試下。豉汁蒸大鱔一碟大約有十件，魚肉厚身又彈牙生熟度適中，每一啖都好入味，魚骨好少，簡直色香味俱全。椒鹽鮮魷鮮魷炸到金黃色香噴噴，外皮炸得香脆，調味適中幾好食。瑤柱海鮮砂鍋粥粥底軟綿綿香噴噴，材料豐富，有帶子、蜆肉、魷魚、冬菇和鹹蛋碎，另外仲有蔥、芫荽、橄欖菜和油條可以按照個人喜好加落去，十分美味，天氣咁凍食返碗暖笠笠嘅粥，非常暖胃。…Read More

這家餐廳環境偌大，裝潢具有港式懷舊感覺，氣氛不錯。⭐️梅菜蒸肉餅肉餅剁得恰到好處，肥瘦相間，口感鬆化而不散。梅菜的鹹甜滋味完全滲透到肉餅之中，甘香惹味。⭐️乾煸四季豆四季豆被煸得表面微皺，帶點焦香的「虎皮」，吃起來乾身卻不柴，滿是濃郁的肉末和辣椒鹹香辣。⭐️白粥 白粥綿密，入口軟滑。⭐️七味黃金炸一口金磚豆腐金黃的外衣薄如蟬翼，咬下去「咔嚓」一聲，裡面的豆腐卻嫩滑得像豆花一樣，一觸即融。⭐️菠蘿拔絲咕嚕肉外層炸漿酥脆，內裡豬肉軟嫩，酸甜芡汁掛得均勻亮澤。特別之處在於加入了菠蘿與蜜桃，水果的清新果甜讓味道層次更豐富。⭐️番薯糖水姜水番薯，軟在心。…Read More

土瓜灣楚撚記大排檔，可能系香港環境最好嘅大排檔，懷舊港式茶記風味，裝修用咗彩色燈牌、傳統小炒台，感覺好溫馨又舒適，而且環境寬敞，有別於一般大排檔，仲有冷氣，夏天都唔怕熱。生炒臘味糯米飯，粒粒分明，唔會太濕，啖啖有糯米香，有蝦米、臘腸，口感層次分明，好有懷舊風味。香煎黑松露手打蓮藕墨魚餅，魚餅煎到香脆，內裏肉質滑嫩，食落去仲有黑松露嘅獨特香氣，墨魚Juicy又入味，好Q好煙靱，而且食落去啖啖肉，好有誠意。西檸煎軟雞，外層脆卜卜，肉質鮮嫩又Juicy，每口都有西檸糖醋的鮮甜同微酸，醬汁黏住雞件，令成個味道層次好豐富。配埋糯米飯食更加惹味，開胃又唔膩。最後黃金椒鹽粟米，非常爽口，粟米粒粒分明，加咗椒鹽調味又帶鹹香，咬落每粒都好Q好煙靱，鮮甜味道突出，又唔會太油膩，成碟好有鑊氣。…Read More

呢間人氣大排檔每次經過都好多人等位，見到一直都好想試下，今晚終於有得食😋香煎黑松露手打蓮藕墨魚餅，食到細細粒的蓮藕，墨魚餅非常Q彈厚身，仲有好香嘅黑松露味👍🏻椒鹽鮮魷炸得乾身肉質好腍，非常惹味香口😋菠蘿拔絲咕嚕肉用咗豬梅頭，軟腍腍好容易食到，酸酸甜甜加埋拔絲好鬼正😻猴頭菇蟲草花准山螺頭煲豬骨湯真材實料，燉盅入面有好多食材，一人一盅份量好足👍🏻食到最後仲送一人一碗糖水，蕃薯糖水夠辣，滿足晒❤️…Read More

開始入秋，想食吓鑊氣小炒，就到楚撚記嘆吓。首次到新鋪，環境比舊店闊落乾淨得多，且價錢依舊，放心點菜。經典的小炒王，蝦球魷魚給得大方，加上酸菜腰果等，香口不過鹹，讚！必點的豉椒炒蜆，肉厚無砂，洋蔥青椒等配菜爽口，送酒無敵。邪惡之選金沙麥片蝦，肉身爽甜，䩇滿鹹蛋黃泡香，再洒上香甜麥片，又要追酒飲。最後要有點蔬菜下肚。清炒西蘭花嫩綠爽脆，大滿足。晚市奉送糖水，點了一熱一凍。綠豆清心丸煙韌清甜，蕃薯糖水暖胃，夠哂飽一定再有下次。…Read More

✨楚撚記原隻脆皮炸豬手製作需時 脆皮炸豬手份量十足 已起肉食得方便 外皮酥香鬆脆 夠晒香口肉質結實 筋膜位帶爽彈 味道鹹香入味配搭芥末醬同甜酸醬 味道更豐富✨沙爹粉絲金菇牛肉煲沙爹香氣十足 牛肉唔係用肥牛幾厚切 好有咬口 肉味香濃粉絲金菇爽口 沾上沙爹汁好惹味✨豉汁蒸魚雲魚雲肉質嫩滑 味道鮮味甘香 豉汁鹹鮮 送飯一流✨薑汁番薯糖水奉送糖水 番薯綿密帶淡淡薑味 甜度適中✨綠豆清心丸糖水綠豆邊粉綿起沙 清心丸口感煙韌總結：食物可以 菜式選擇多環境唔錯 地方大 坐位闊落懷舊裝潢 播上經典歌曲 好有氣氛服務唔錯 價錢合理 無收茶介加一性價比唔錯 難怪咁多人等位…Read More

平時同屋企人出街都鍾意食大排檔，楚撚記就係我哋嘅飯堂之一😆 今次就同媽咪嚟咗撐枱腳叫咗三餸一飯，大滿足😚🐠 清蒸海魚 （$188）今次見到有新菜式，係唔同嘅海鮮🦞 我哋就揀咗清蒸原條石斑，蒸魚上加咗薑葱、豉油，蒸得魚肉鮮嫩之餘一啲都唔腥，正呀😝🐥 啫啫滑雞煲 （$118）啫啫雞煲上枱冒煙熱辣辣♨️ 好惹味！ 雞肉又嫩又香，仲有冬菇、豬潤等配料添～🥬 馬拉盞炒時蔬 （$75）時蔬都有好多煮法揀，然後仲可以揀唔同嘅菜類，我哋就揀咗馬拉盞炒通菜😝 蔬菜勁大碟，馬拉盞炒法仲有豬肉、蝦乾、椒，香噴噴又微辣，好味🤤！🍚 靚仔白飯 ($15/碗)楚撚記大排檔📍土瓜灣馬坑涌道2C號寶光大廈地下C及D號舖…Read More

今日去了間港式大排檔風格的餐廳，7点左右，餐廳已經坐滿，外面還有很多人等位，牆上掛滿一個個的餸牌，很有大排檔的感覺，每個餸都有港式大排檔風味 香煎黑松露手打蓮藕墨魚餅新鮮的墨魚肉非常彈口，中間混入小粒的蓮藕粒，增加口感，再加入黑松露，非常冶味 黃金椒鹽粟米清甜新鮮的粟米件，沾滿香噴噴的咸蛋黃醬，外咸內甜，非常合拍，好好味 豉油皇煎大蝦大蝦很新鮮，鮮甜彈口，啖啖肉，廚師好細心，將蝦腳，蝦鬚剪去，方便食之餘，又不會阻礙豉油醬汁滲入大蝦內，味道很好 菜甫銀魚煎蛋角蛋角煎得金黃色，很有蛋味，加埋銀魚仔及菜甫，有口感，還有家的味道餐後還有甜品送，蕃薯糖水及清心丸糖水，味道不太甜，好味又窩心…Read More

💖今日介紹一間等咗4年 終於食到嘅餐廳呢間長期預約困難嘅大排檔 我終於知佢咩料了😭因為我食果日 keep住都見到佢坐爆場😳除咗食物好得之外 餐廳內亦有好多打卡元素淨係打卡都已經好開心呢😆*****************************🐷菠蘿拔絲咕嚕肉拔絲捲成筒裝 造型好特別 同想像中有不同配搭紅青椒同菠蘿 形成紅、黃、綠3種鮮明色調 咕嚕肉選用豬梅頭肉製成 口感特別軟腍調味酸酸甜甜 點上拔絲更添一份甜 非常開胃🥢七味黃金炸一口金磚豆腐好鐘意食一口Size嘅黃金炸豆腐 外層沾滿調味粉 味道豐富有鑊氣‼️香脆內軟滑嘅口感 令人忍唔住一口接一口咁食4🥘豆漿杞子鮮腐竹浸時蔬食咗咁多肉肉 想搵啲菜balance一下🥬見到呢款豆漿湯底嘅菜煲好特別設有幾款蔬菜選擇 我哋揀咗索湯汁嘅白菜仔湯底清清哋 更能突顯出蔬菜嘅清甜味湯中有好多杞子同腐竹 嚟到時可以飲返幾啖湯暖胃先🙌🏻🍚懷舊豬油撈飯豬油×豉油撈飯已經買少見少了大大啖撈落去 好香口好惹味😝✨腐竹糖水冰沙(渣)勁推介呢一個新出嘅甜品飲品‼️完全係好似食緊糖水舖嘅腐竹糖水但佢嘅質感係冰沙‼️涼浸浸好特別加咗好多蛋黃 平衡咗整體甜度 …Read More