樂意點心

营业中

休息中

兩口子極少會去飲茶，趁放假到訪朋友推介呢間響尖沙咀嘅樂意點心試吓先。餐廳有別於一般中式酒樓，裝修好靚，環境舒服，坐響度嘆茶食點心感覺真係正。🥢🥢餐牌算好多選擇，傳統嘅點心、蒸飯、甜品都一應俱全，價錢算抵食。我哋人少少都叫咗唔少款式，每籠兩至三件，可以試多幾款食品。🥟🥟點心質素好高，加上即叫即蒸，全部都熱辣辣，寧舍好味。當中特別推介比較少食到嘅鵪鶉蛋燒賣，充滿回憶。腸粉皮好滑好薄，虎皮尖椒好惹味，少少辣。甜品- 杏汁燉蛋白帶濃濃杏汁味，好滋潤好味。南棗糕好煙靭，好香棗味，唔會太甜。🍹🍹值得一提除咗傳統中式茶，餐廳仲有提供水果茶選擇，足料多水果，味道好清新。🫖🫖食物質素好好，環境靚，店員親切有禮。響尖沙咀嚟講，想食下點心或者蒸飯，絕對係一個好好嘅選擇。人少少一樣可以食吓點心，嘆吓茶。