申子居酒屋

营业中

休息中

申子今日放假同老婆去旺角，醒起旺角有間平民高質居酒屋🏮好耐冇試，今日就帶老婆去食先，入到去一如以往格局一樣，但最緊要質數冇變。食咁多次第一次食lunch。左口魚邊：呢條燒左口魚邊真係正！皮脆肉嫩，咬落去啖啖肉，魚油香爆棚，調味唔會搶咗魚嘅鮮味，食完仲想encore！絕對係抵食又好味嘅選擇！申子3色丼：呢碗三色丼幾好食，吞拿魚蓉幾滑，海膽都幾鮮甜，三文魚子咬落去有啲爆汁嘅感覺。飯嘅溫度啱啱好，整體配搭唔錯，食落幾舒服，係一碗幾滿足嘅丼飯。壽喜燒定食：呢個壽喜燒定食幾抵食！牛肉味濃夠嫩，吸晒湯汁好入味，豆腐同蔬菜煮得啱啱好，唔會太淋。湯底甜鹹適中，撈飯食一流。份量夠飽，食完暖笠笠，好滿足！總結：申子係我食過咁多間居酒屋最有誠意，最性價比既餐廳。