柞木炭家

营业中

休息中

柞木炭家一直係我幾喜愛嘅韓燒店之一，服務員態度親切，仲會幫忙燒烤，確保每片肉都烤得啱啱好。環境亦坐得舒適，抽風系統做得好，食完唔會滿身燒肉味。🙂‍↕️嚴選極長牛舌芯👍🏻手臂咁長牛舌芯切得厚薄適中，大概剪到8-10片，入口彈牙帶脆，輕輕燒一燒後已經好香，可配鹽或檸檬🍋柞木牛肉盛🥩集合咗和牛肋眼上蓋、牛肋肉、極上牛小排、外裙肉同稀少和牛三筋肉，每款部位都有特定調味，而且部分肉油花分佈好靚🥹。肋眼上蓋入口即化，牛小排肉香濃郁，外裙肉咬落多汁，三筋肉則帶點嚼勁，層次豐富。稀少和牛三筋肉配月見汁👍🏻一份有4片沾滿壽喜燒汁嘅和牛三筋，店員會將佢燒到外焦水嫩，再搭配月見汁濃郁香滑，蛋香同牛肉味完美融合🤤主食方面叫咗傳統石頭鍋飯，飯粒分明，鍋巴脆口，簡單卻滿足。飲品方面叫咗荔枝梳打同青檸梳打，清新解膩，配搭燒肉一流。