Kailash Parbat

营业中

休息中

較早之前朋友想約我食印度菜，見到幾間之前有bookmark定嘅今次就可以試新嘢。依間印度餐廳喺世界各地都有分店，入到餐廳嘅時候都見到好多香港人就坐，就知道依間幾受歡迎。餐廳嘅空間感都唔錯，光線充足環境舒適。BOMBAY BASKET CHAAT依款係印度脆烤麵團籃子，加入鷹嘴豆醬和乳酪等等香料，味道清爽又開胃。MUSHROOM TIKKA呢個係另一款印度人氣小食，蘑菇用左多款秘製香料和乳酪醃制，口感好爽脆。同樣會配上薄荷汁，可以根據個人口味選擇。ACHARI ALOO TIKKA用左多款秘製香料和酸辣醬去香烤薯仔，配上薄荷醬汁，薯仔外脆內軟，同醬汁一齊食味道非常清爽。SAAG PANEER用左Cottage cheese加上新鮮菠菜蓉，口感好幼滑，又有菠菜嘅甜味。CHEESE BUTTER MASALA睇個名就知道佢地用左芝士做主材料，加入蕃茄醬汁、牛油、腰果等等製成。個人建議可以同Naan印度薄餅一齊食，會吸收晒濃郁嘅醬汁，非常惹味。佢哋提供多款嘅印度薄餅，我就揀咗兩款最受歡迎嘅嚟試下。至於飲品方面，我就揀左有多款口味嘅VIRGIN MOJITO，我自己就試咗芒果味，味道清香又甘甜。