影片
更多
2024-06-17
263 浏览
唐述世味人生⭐️慢煮裝南辣泡椒皇帝帶子⭐️西班牙黑毛豬叉燒酥⭐️苔菜豆腐⭐️黃袍金衣⭐️象拔蚌夜香花乾貝燉夏瓜湯⭐️私房吉品溏心乾鮑魚扣鵝掌⭐️珍寶珠⭐️香越龍山20年花雕蛋蒸海蝦⭐️鹹酸菜奶油濃魚湯生煎麒麟魚⭐️砂窩菌香雞⭐️石頭魚蝦米節瓜湯浸鴛鴦米⭐️20年陳皮鐵觀音雪糕2024 年最推薦嘅中菜餐廳！今個星期試左係IFC嘅中菜餐廳 — 唐述，食完之後覺得係今年食過最滿意嘅餐廳之一。餐廳成個環境都好典雅，睇得出裝修同埋餐具配搭都落足心思。佢哋為咗保證私隱度，每位客人都要通過兩條長長嘅走廊先會去到用餐area，可以同朋友舒舒服服咁傾計。嘢食方面，前菜有四道，分別泡椒帶子丶苔菜豆腐丶黑毛豬叉燒酥同埋鹹蛋黃炸蝦。入面有兩款都係比較重口味嘅嘢食，但係佢哋之間冇搶咗對方嘅味道，反而層層疊加，覺得搭配得幾好。係前菜之後會有一份燉湯，入面有原隻嘅大圓貝同埋大片象拔蚌。雖然係煲湯嘅材料，但係元貝依然好鮮嫩，甚至食落去仲有少少半生熟嘅感覺。糖心鮑魚扣鵝掌同埋花雕蛋蒸海蝦都係經典粵菜，兩款都把握得唔錯。糖心鮑魚我認為都有阿一鮑魚嘅七成功力，不過流心程度可以再做得好啲，但係整體嘅味道都係出色嘅。鹹酸菜魚湯煎麒麟魚同埋砂窩菌香雞係
世味人生
⭐️慢煮裝南辣泡椒皇帝帶子
⭐️西班牙黑毛豬叉燒酥
⭐️苔菜豆腐
⭐️黃袍金衣
⭐️象拔蚌夜香花乾貝燉夏瓜湯
⭐️私房吉品溏心乾鮑魚扣鵝掌
⭐️珍寶珠
⭐️香越龍山20年花雕蛋蒸海蝦
⭐️鹹酸菜奶油濃魚湯生煎麒麟魚
⭐️砂窩菌香雞
⭐️石頭魚蝦米節瓜湯浸鴛鴦米
⭐️20年陳皮鐵觀音雪糕
2024 年最推薦嘅中菜餐廳！
今個星期試左係IFC嘅中菜餐廳 — 唐述，食完之後覺得係今年食過最滿意嘅餐廳之一。
餐廳成個環境都好典雅，睇得出裝修同埋餐具配搭都落足心思。
佢哋為咗保證私隱度，每位客人都要通過兩條長長嘅走廊先會去到用餐area，可以同朋友舒舒服服咁傾計。
嘢食方面，前菜有四道，分別泡椒帶子丶苔菜豆腐丶黑毛豬叉燒酥同埋鹹蛋黃炸蝦。入面有兩款都係比較重口味嘅嘢食，但係佢哋之間冇搶咗對方嘅味道，反而層層疊加，覺得搭配得幾好。
係前菜之後會有一份燉湯，入面有原隻嘅大圓貝同埋大片象拔蚌。雖然係煲湯嘅材料，但係元貝依然好鮮嫩，甚至食落去仲有少少半生熟嘅感覺。
糖心鮑魚扣鵝掌同埋花雕蛋蒸海蝦都係經典粵菜，兩款都把握得唔錯。糖心鮑魚我認為都有阿一鮑魚嘅七成功力，不過流心程度可以再做得好啲，但係整體嘅味道都係出色嘅。
鹹酸菜魚湯煎麒麟魚同埋砂窩菌香雞係我覺得比較有驚喜嘅菜式，因為本身覺得兩款難道唔高，應該味道都唔會特別，點知食落好有驚喜！
鹹酸菜煎麒麟魚係用咗fusion做法，用酸菜魚嘅做法做個湯底，再配上日式立麟煎法，令到成道菜脆口而微酸，食完想encore。
砂哥菌香雞會有侍應喺枱邊加熱，令到佢個個鑊氣可以帶到去你食嘅嗰一刻。雞皮微脆，但依然保持住少少糯口嘅口感，配上嫩滑嘅雞肉，只可以話佢真係好食。
最後嘅甜品係20年嘅陳皮鐵觀音雪糕。餐廳會好似Truffle咁樣喺你面前刨一大片20年陳皮，喺刨嘅過程已經會聞到陳皮嘅香味。配上鐵觀音雪糕，兩層香氣令到味覺同嗅覺都有幾重享受。
Overall嚟講覺得呢間嘅餐廳嘅quality好高，首先味道好而環境又唔錯，服務一流再加埋佢有中環夜景，$1,388嚟講真係物超所值。
张贴
