六如

营业中

休息中

最近去咗中環六如中菜館dinner，真係好驚喜，食完真係回味無窮🍽️首先試咗佢哋嘅百香冰心丹霞，係用新鮮百香果配車厘茄，味道清新，酸酸甜甜，夏天食真係好開胃！配埋黑磚豆腐一齊上碟，外脆內嫩，炸完之後豆腐仲可以勁滑！😆六如潮香滷水鵝，肉質鮮嫩，滷汁味道濃郁，食落去好有層次感，真係唔可以錯過，職員話滷水鵝係佢哋嘅招牌菜同埋自己整😍然後係鮮麻椒油泡蟶子，滕椒味十足，蟶子好鮮甜，仲要大大隻，好有口感🔥再嚟就係烤椒醬燒指天扒，選用龍躉最嫩部位，肉質滑口，佢有自帶嘅魚油，我最鍾意食呢個！手作糖山冰鎮咕嚕肉賣相靚靚，搭配新鮮菠蘿，酸甜可口，食完真係唔會腻🍍桂糖爆珠涼粉都唔錯，特別想提佢哋嘅爆珠入邊係一粒薏仁，超級特別又健康😆總括嚟講，六如真係高質中菜，菜式創新又好食，我會再黎食😗