影片
更多
2022-05-21
1459 浏览
終於食到傳說中嘅大圍小館😋😋😋💛💛💛呢間係大圍嘅高質中菜，之前成日聽同事話好好食，成日心思思好想食，食完真係名不虛傳啊😍👍👍.🥘勾魂叉燒$188朋友話嚟呢度一定要食佢嘅招牌勾魂叉燒，其實佢一份得五件，睇起上嚟都有啲貴，但係食過就知道一定值回票價！五件叉燒係厚切上，睇起上嚟平平無奇，只見個侍應哥哥幫手喺叉燒上面塗上秘製醬汁，據說係佢哋用上15年嘅陳皮調教嘅醬汁，佢再用火槍香叉燒腸味香輕咁樣燒一燒，叉燒表面變得微焦，聞到好香嘅味道，個叔叔仲教我地可以沾滿墊底嘅脆米一齊食，口感更豐富，佢仲話沾得越多越有米呀😂我同朋友聽到都即時沾多d😝 不過真係唔好講笑，呢件勾魂叉燒嘅肉質真係不得了，軟綿腍身得來好juicy!!!陳皮醬將佢嘅肉味提升，所以唔會覺得肥膩同漏，加埋脆米嘅口感層次好豐富，真係要黐粒墨上額頭扮家燕姐上身要講一句，好好味呀！😍😍😍.🥘薑米蒜香龍仔蒸蟹飯$288🦀第一下會俾佢飯上面嗰隻巨蟹吸引咗，真係好大隻肉蟹🦀同埋勁好肉好鮮甜好多蟹膏，我哋三個人每日都分到兩三件，同埋佢已經好細心一早敲碎晒啲蟹鉗，等我哋好容易咁樣就食到入面嘅肉👍下面用好大嘅荷葉包住薑蒜炒飯，吸收晒上面隻巨蟹嘅精華，有荷
.
🥘勾魂叉燒$188
朋友話嚟呢度一定要食佢嘅招牌勾魂叉燒，其實佢一份得五件，睇起上嚟都有啲貴，但係食過就知道一定值回票價！
五件叉燒係厚切上，睇起上嚟平平無奇，只見個侍應哥哥幫手喺叉燒上面塗上秘製醬汁，據說係佢哋用上15年嘅陳皮調教嘅醬汁，
佢再用火槍香叉燒腸味香輕咁樣燒一燒，叉燒表面變得微焦，聞到好香嘅味道，
個叔叔仲教我地可以沾滿墊底嘅脆米一齊食，口感更豐富，佢仲話沾得越多越有米呀😂我同朋友聽到都即時沾多d😝
不過真係唔好講笑，呢件勾魂叉燒嘅肉質真係不得了，軟綿腍身得來好juicy!!!陳皮醬將佢嘅肉味提升，所以唔會覺得肥膩同漏，加埋脆米嘅口感層次好豐富，真係要黐粒墨上額頭扮家燕姐上身要講一句，好好味呀！😍😍😍.
🥘薑米蒜香龍仔蒸蟹飯$288🦀
第一下會俾佢飯上面嗰隻巨蟹吸引咗，真係好大隻肉蟹🦀
同埋勁好肉好鮮甜好多蟹膏，我哋三個人每日都分到兩三件，同埋佢已經好細心一早敲碎晒啲蟹鉗，等我哋好容易咁樣就食到入面嘅肉👍
下面用好大嘅荷葉包住薑蒜炒飯，吸收晒上面隻巨蟹嘅精華，有荷葉嘅香味又有蟹嘅鮮甜味👍
.
🥘椒鹽九肚魚$148
同樣係非常出色！呢個真係有驚喜！勁好食，佢嘅炸粉非常之薄，而且炸得好乾身一啲都冇油益味，邊食淨係會覺得點解可以有出面咁脆咁薄，但入面咁嫩滑嘅九肚魚，
本身對一開始呢個冇乜期望，因為平時去食大排檔都食開，但係真係估唔到咁好食，完全係另一個層次，呢度嘅大廚真係高手👍.
🥘無花果肉排$188
我見佢呢個都係招牌，而且用無花果整肉排就想試吓啦，似京都肉排嗰種感覺，不過可能前面嘅叉燒同埋九肚魚太出色啦，所以比較之下呢個肉排顯得普通咗啲，同埋份量偏少，所以對佢嘅印象唔係好深刻。.
但係整體嚟講呢間中菜真係好高質，大推👍👍👍你會感受到每到餸都係廚師精心嘅傑作，價錢係貴少少🤏但係絕對值回票價，其實我見佢個Menu上面仲有好多好多嘢我都好想食，仲要係良心店嚟💛所以呢間我一定會覆桌再覆桌😋😋我已經諗定下一次想食乜啦😂😂😂
.
不過注意⚠️佢晚市一定要先book位，所以我提早咗一個星期就已經book咗位，而且用餐嘅時間分兩輪，分別6點到7:45，同8點到10點，我哋食6點到7:45果場, 加上朋友遲到，所以食落都有少少趕，不過好在佢上菜都好快，所以想傾偈慢慢chill嘅話就唔係咁適合，想繼續吹水的話唯有食完再去下半場食糖水啦😋
.
店名：大圍小館 💛
地址：大圍積福街92號地舖今晚
张贴
