影片
更多
2021-08-08
107 浏览
消費券嘅推動下，真係會食好啲🤣平時好少食韓牛，今日有機會試吓，梗係要食好啲☺️海膽和牛卷😍上面有厚厚嘅海膽同幾粒魚子，下面係燒得啱啱好嘅和牛，再加一層脆脆紫菜，重點係片紫蘇葉，包埋一齊，一啖食落去，正呀😍記得呢個唔洗燒㗎🤣最上等牛小排🥰好靚嘅肉，而且切得厚度好好，唔會好簿，入口仲有牛味，本身油脂分布好靚，易入口，絕對係靚牛，下次都會再叫。和牛牛肋肉😋呢個係有味嘅，啲汁咸咸地、甜甜地，幾好味，因為係厚切，所以要燒耐少少，比較難掌握熟度，我燒得熟咗少少，不過都好食。汁燒豬皮🤩冇諗過食豬皮，不過朋友話以前食過，好味㗎，叫我試吓，估唔到真係好好味，原本好驚食油膩野嘅我，都覺得好味，好有驚喜，不過少少咸，可以包生菜就啱啱好。大墨魚真係好大一隻，頭嗰部分有用韓式辣醬醃過，好入味，另一部分應該用咗鹽醃，咸咸地，烤得啱啱好就會好彈牙，要睇吓你嘅功力。我燒咗兩塊就明顯冇朋友燒得好食。慶州豬背肉呢個豬頸肉係咁多肉入面最普通嘅，不過都好味嘅，因為豬頸肉比較實，同埋比較厚，所以要燒耐少少，燒到啱啱好就會脆脆地，嗰陣時食最好味。海鮮葱餅呢個蔥餅好足料，有蝦有魷魚仲有好多配料，係我食過蔥餅入邊算比較厚身嘅，因為好早
海膽和牛卷😍
上面有厚厚嘅海膽同幾粒魚子，下面係燒得啱啱好嘅和牛，再加一層脆脆紫菜，重點係片紫蘇葉，包埋一齊，一啖食落去，正呀😍記得呢個唔洗燒㗎🤣
最上等牛小排🥰
好靚嘅肉，而且切得厚度好好，唔會好簿，入口仲有牛味，本身油脂分布好靚，易入口，絕對係靚牛，下次都會再叫。
和牛牛肋肉😋
呢個係有味嘅，啲汁咸咸地、甜甜地，幾好味，因為係厚切，所以要燒耐少少，比較難掌握熟度，我燒得熟咗少少，不過都好食。
汁燒豬皮🤩
冇諗過食豬皮，不過朋友話以前食過，好味㗎，叫我試吓，估唔到真係好好味，原本好驚食油膩野嘅我，都覺得好味，好有驚喜，不過少少咸，可以包生菜就啱啱好。
大墨魚
真係好大一隻，頭嗰部分有用韓式辣醬醃過，好入味，另一部分應該用咗鹽醃，咸咸地，烤得啱啱好就會好彈牙，要睇吓你嘅功力。我燒咗兩塊就明顯冇朋友燒得好食。
慶州豬背肉
呢個豬頸肉係咁多肉入面最普通嘅，不過都好味嘅，因為豬頸肉比較實，同埋比較厚，所以要燒耐少少，燒到啱啱好就會脆脆地，嗰陣時食最好味。
海鮮葱餅
呢個蔥餅好足料，有蝦有魷魚仲有好多配料，係我食過蔥餅入邊算比較厚身嘅，因為好早上，食嘅時候已經凍咗，冇咁好食，所以我好醒咁攞咗去燒，燒完之後好食好多，建議大家都可以咁做。
梳打
另外叫咗一杯菠蘿梳打，一杯柚子檸檬梳打，兩杯都唔會好甜，食完咁多燒肉之後飲番杯凍野，真係好爽。
张贴
