교자상

营业中

休息中

又同閏蜜去銅鑼灣搵食，要有格調又COSY嘅餐廳梗係去Fashion Walk啦!朋友介紹一間韓國餐廳由當地大廚處理研發菜式，仲用上濟州新鮮食材，大家當然舉手一齊試~~先點個勁養眼嘅海膽紫菜包飯，上枱見到真係一齊大叫OMG!橙黃色海膽上用黑魚子點綴，下層又夾有牛肉他他，見到都流晒口水，好多枱都有點!姊妹鐘意食辣，點咗炸青陽辣椒釀豬肉，青陽辣椒面層酥脆，內裏填滿肉碎同香料，入口辣味慢慢滲到喉嚨，配他他醬同韓式醬料一樣咁吸引!韓式蒜頭清燉雞鍋配泡菜炒飯，一清一惹味，雞件份量十足，所有精華全部滲入湯水之中，雞湯充滿蒜香同大蔥香味，仲配有韓式年糕，令人食得非常滿足~ 海鮮煎餅上面鋪滿小魚乾，魷魚同蜆肉等，邊位較香脆而中間就較煙靭，成個pizza咁大，差啲食唔晒！ 整體用餐感覺非常舒適，而且私隱度高，唔似平時韓式餐廳坐得比較親密同埋熱鬧，而且我哋坐嘅位置有布簾可以同鄰座分隔，枱面又大，一班朋友坐低慢慢傾，叫多幾樣都冇問題！