香馥樓

营业中

休息中

記得之前朋友同我介紹過呢間係銅鑼灣新開高質素嘅粵菜餐廳，去開銅鑼灣一於過嚟試吓。餐廳地方寬敞，環境係現代感裝潢，白色配上淺紫色銀閃閃嘅枱布，閃閃發光，感覺好高雅。餐具圖案精緻，茶壺下有蠟燭，可以保持溫度。值得一讚，店員服務好好，會用鉗將餐具放入熱水，係我哋面前洗淨。今次叫咗鮑魚雞肉燒賣，有鮑魚係到嘅燒賣真係唔同啲，新鮮彈牙，好美味。綠茶雪山叉燒包 有別於平時食嘅叉燒包，多咗綠茶嘅味道更清新。䈑筍鮮蝦餃 ，蝦餃好大粒，入口爽彈又新鮮，加埋䈑筍係入面，層次好豐富。呢度設有四間vip房，環境寬敞亮麗、舒適整潔，既有中式雅緻的格局，亦有西式明亮開放。埋單時會送上蝶豆花柚子茶，清爽又可以解油膩感～