唐述

营业中

休息中

呢間係Fusion 的中菜，菜式好特別，好好味，價錢雖然貴啲，但手工野同埋唔係度度食到。 桂花烏龍煙燻脆皮雞，呢個菜式係要預訂的， 佢個鍋係有滿滿既香草，一打開都聞到個香味，入口皮脆肉嫩，同炸子雞既脆皮唔同。另外叫左啫啫唐生菜，味道較濃，份量較少，同埋偏咸，用黎配飯就較好。主食叫左棉花泡飯，個棉花係用蛋白同帶子整的， 食落軟棉棉，同時又好有鮮味！ 甜品揀左包公出巡，係一個芝麻甜品，都係要預訂，有芝麻雪糕，芝麻卷，芝麻流沙煎堆仔， 好香芝麻味，食得出係手工甜品。另外有一個係貴妃玉露，味道係番石榴嘅西米露，好清新！ 感覺唔會太甜，所以食左成碗都唔會覺得漏。最特別既一定係用寶箱裝住既甜品， 佢係一個雪糕串，佢既樣好似冰糖胡蘆咁，食落去係酸酸甜甜既雪糕，所以都好好食，口質特別，加上有個咁靚既上碟。呢度既野食全部都好特別同好好食，而賣相都好靚，仲坐得好舒服，啱晒鐘意打卡既人。