影片
更多
2023-12-26
46 浏览
荔枝角高CP值精緻居酒屋！睇環境裝修、食物賣相以為係好高級好貴個啲居酒屋，估唔到價錢同一般香港食日本嘢差唔多但坐得好舒服，又有氣氛，仲要好食唔係得個樣，性價比唔錯😌-👍🏻金丼·月見海膽三文魚籽拖羅蓉 $198👍🏻銀丼·月見生和牛三文魚籽甜蝦蓉 $238兩款都係呢度招牌item，各有特色，同樣新鮮足料金丼海膽甘甜，拖羅蓉鮮味十足，銀丼生和牛粉嫩軟滑，完全唔腥用嘅係壽司飯，帶少少醋酸味，食落冇咁膩滿滿三文魚籽配上日本蛋，撈埋蛋汁冇得輸🤤-👍🏻宮崎和牛海膽刺身 $138/2件和牛油花豐富均勻，口感細緻油潤，包住大大pat海膽超足料！一啖擺入口爆晒海膽餡，和牛x海膽fans表示大滿足🥹-👍🏻自家製雞皮蝦 $58兩款串燒都真心推薦必嗌！超水準好有驚喜🔥雞皮蝦好有特色，一般呢個價位嘅日式串燒店比較少見由大廚每日人手逐串穿起，日賣過千雞皮拉到非常薄身，緊緊包住原隻蝦，唔會甩皮甩骨雞皮彈牙，蝦肉爽口，焦香微脆又保留彈牙口感，雞皮獨有嘅油香混和蝦鮮味😛-👍🏻厚燒牛舌心 $48牛味極濃冇羶味，厚切完全唔韌，軟嫩爽口，而且非常多汁，燒得啱啱好以呢個質素，好多日本餐廳可以賣到$78/串，呢度$48真係性價比高
睇環境裝修、食物賣相以為係好高級好貴個啲居酒屋，估唔到價錢同一般香港食日本嘢差唔多
但坐得好舒服，又有氣氛，仲要好食唔係得個樣，性價比唔錯😌
-
👍🏻金丼·月見海膽三文魚籽拖羅蓉 $198
👍🏻銀丼·月見生和牛三文魚籽甜蝦蓉 $238
兩款都係呢度招牌item，各有特色，同樣新鮮足料
金丼海膽甘甜，拖羅蓉鮮味十足，銀丼生和牛粉嫩軟滑，完全唔腥
用嘅係壽司飯，帶少少醋酸味，食落冇咁膩
滿滿三文魚籽配上日本蛋，撈埋蛋汁冇得輸🤤
-
👍🏻宮崎和牛海膽刺身 $138/2件
和牛油花豐富均勻，口感細緻油潤，包住大大pat海膽超足料！
一啖擺入口爆晒海膽餡，和牛x海膽fans表示大滿足🥹
-
👍🏻自家製雞皮蝦 $58
兩款串燒都真心推薦必嗌！超水準好有驚喜🔥
雞皮蝦好有特色，一般呢個價位嘅日式串燒店比較少見
由大廚每日人手逐串穿起，日賣過千
雞皮拉到非常薄身，緊緊包住原隻蝦，唔會甩皮甩骨
雞皮彈牙，蝦肉爽口，焦香微脆又保留彈牙口感，雞皮獨有嘅油香混和蝦鮮味😛
-
👍🏻厚燒牛舌心 $48
牛味極濃冇羶味，厚切完全唔韌，軟嫩爽口，而且非常多汁，燒得啱啱好
以呢個質素，好多日本餐廳可以賣到$78/串，呢度$48真係性價比高😮
所有串燒都係鹽燒，食材本身夠靚，簡單灑上鹽同黑椒調味，保留原味已經好好食👍🏻
-
👍🏻月見薄燒宮崎和牛飯 $168
店員席前以火槍炙燒薄切宮崎和牛至五成熟，配上焦香嘅壽司醋飯同日本蛋
和牛燒香後油香更加明顯，入口即溶🤤
-
其他款式價錢參考
👍🏻月見宮崎和牛卷 $168
-
味道：9/10
性價比：8/10
-
📍#金酒屋 @kinzakaya.hk
荔枝角長沙灣道909號地舖
张贴
