火土燒肉

👯‍♀️約左朋友去行街shopping，血拼前梗係食啲嘢醫飽個肚腩仔先，經過K11發現左依間「火土燒肉」，見佢地門面好特別，即刻被吸引左入去食個lunch先😋入到去真係哇左一聲呀～所有裝修、擺設同餐具陳設都係以露營風為主，牆上仲掛有好多露營嘅用具，即刻好似去左露營咁呀，成個感觀好煥然一新🏕️我同朋友都叫左個牛肋肉Lunch set🥩上菜速度都好快。牛肋肉Luch set入面除左有醬汁牛肋肉外，仲有雜錦新鮮蔬果菌類、泡菜、麵豉湯同日本珍珠米飯。牛肋肉油花好靚，燒完入口鮮嫩多汁，肉質軟腍😌牛味極濃，調味亦恰到好處，唔會過濃而影響肉味👍🏻 新鮮蔬果菌類有杏鮑菇片、南瓜、粟米荀，烤完都十分清甜爽脆。麵豉湯好濃，材料十足。