十下火鍋

朋友仔話好耐無打過邊爐, 想試間特別啲嘅, 最後就揀左十下😝餐廳雖然唔係太大，但係環境舒服，裝修懷舊，仲keep住播經典舊歌，好有香港五六十年代 feel😻我地三個人叫左個十下二人套餐 ($576)，再散叫左兩三樣野食。食物份量都幾足，三個人都食到好飽🥰湯底揀左養生豆乳白鍋同胡椒豬肚湯。兩個湯底都好足料。養生鍋有好多唔同嘅藥材，峰巢豆腐吸晒湯汁，超入汁。胡椒豬肚湯有好多豬肚同酸菜，豬肚一啲都唔腥，胡椒味適中，唔會太辣。食材全部都好新鮮，仲好有本土懷舊嘅味道。特別鍾意二人套餐嘅花雕雞肉、果皮魚蛋同爽滑鴨血。花雕雞肉好嫩滑，入口帶陣陣花雕酒香，層次豐富。果皮魚蛋細細粒，但係超彈牙。鴨血超入味，放兩邊湯底都好正，唔易散，所以煮耐啲都無問題。十下三寶滑 (二人套餐) - 三寶滑有墨魚滑、蝦滑同牛肉滑。三隻都好足料好好味!散叫美國肥牛(大 $158) - 個肥牛好好食，脂肪位分佈均勻，但係又唔覺得好油膩。份量都唔少，性價比都幾高。