天天海南雞飯 (新城市廣場三期)

营业中

休息中

嚟呢度當然一定要食米芝蓮推介嘅海南雞飯，我哋叫咗天天海南雞（中份）$189。天天海南雞夠滑身，而且醬汁幾好味，另外有啲雞味。可以點薑蓉、辣醬及豉油。忠臣份量兩個人食相當足夠。當然唔少得加埋雞油飯（細)$39。細嘅雞油飯都有四至五小碗左右，兩個人食食到飽飽。雞油飯唔會太油膩，而且有雞油香。用一個鍋裝住可以保持飯嘅熱度。另外，叫咗小食香茅串金錢蝦餅$89。一份有3塊蝦餅，然後用香茅串住蝦餅。蝦肉新鮮，而且幾彈牙，炸到金黃香脆。見到鵝肝黑椒花膠$189 ，花膠份量都幾多，而且煮得夠腍，係用上鵝肝醬。鵝肝醬味唔太突出。花膠夠晒滋補。另外呢度收茶位$10/位。