馬來椰爺

营业中

休息中

呢間小店好耐之前食過一次覺得好好食，米紙介紹過之後長期都見到人龍，呢晚經過見到無人排隊即刻就入去食😋🐷虎蝦帆立貝三重香蝦叻沙湯摻摻 $98呢個有兩隻虎蝦，帆立貝，蜆肉，魚蛋，豆卜同埋大量櫻花蝦係面頭。一飲落口係超級濃既蝦味，蝦湯加叻沙令到個湯鮮甜得黎有少少辣好惹味。摻摻係油麵加米粉，兩樣索湯力都好強，仲要加左青瓜絲，爽口得黎感覺又多一份既健康👍🏻🐷虎蝦帆立貝海鮮椰爺秘傳叻沙摻摻 $98呢個配料基本上係一樣，但湯底唔同左就完全係另一種感覺。呢個湯底好重椰奶味，椰奶既香甜同叻沙既微微辣，好香甜好濃郁。店家提供左青檸建議大家食到一半既時候落，又帶黎另一種清新既味，唔會過食到最尾好漏👍🏻👍🏻🐷斑蘭椰香咖央多士 $29咖央醬係店家自家製既，斑蘭醬好香，甜味都岩岩好。厚厚一層塗係多士中間無得輸，要挑剔就係多士略嫌烘得唔夠脆，淋淋地的。