影片
更多
2025-05-21
670 浏览
天氣濕濕立立，最啱就食吓辣嘢去下濕。咁啱朋友仔又係一個「麻辣控」。 呢晚一於去出名食辣嘅「烏蠅館」試吓師傅嘅手勢！由iSquare行過去大概5分鐘就到達餐廳，橙橙紅紅嘅裝飾好吸晴👀 嚟得幫襯，梗係要食辣啲🤭 呢晚我哋點咗幾個小食同烤魚，一於辣爆佢！✨風味小食蒜泥白肉 - 半肥瘦嘅白肉配合餐廳特製醬汁，味道唔會太辣，但係入口就非常惹味紅油皮蛋 - 香辣嘅紅油淋上糖心皮蛋，口味好特別川式蓮藕豬肉紅油水餃 - 水餃餡料非常豐富，咬落去啖啖鮮肉仲有啲蓮藕粒，口感好豐富✨香辣烤魚招牌香辣海鱸魚 - 以往一向只會食麻辣醬烤魚嘅我，呢日就聽服務員介紹試吓新口味！由30幾款香料煮成嘅醬汁，餐廳仲細心到可以比客人選擇少油少鹽。配埋肥美嘅海鱸魚一齊食，湯汁香辣得嚟又唔會蓋住魚肉嘅鮮味，的確係一個唔錯嘅新嘗試！之後我哋仲嗌咗啲火鍋料加入湯汁一齊食，呢餐真係好豐富呀！✨甜品醬爆紅糖糍粑 - 即叫即做嘅紅糖糍粑，口感煙煙韌韌咁，一啖咬落去，紅糖醬爆晒出嚟... 香濃嘅紅糖味道，口味令人喜出望外😉餐廳整體食物質素同唔錯，服務員對客人有傾有講，仲會因應客人口味介紹唔同食物，充滿人情味！朋友仔果然冇介
由iSquare行過去大概5分鐘就到達餐廳，橙橙紅紅嘅裝飾好吸晴👀 嚟得幫襯，梗係要食辣啲🤭 呢晚我哋點咗幾個小食同烤魚，一於辣爆佢！
✨風味小食
蒜泥白肉 - 半肥瘦嘅白肉配合餐廳特製醬汁，味道唔會太辣，但係入口就非常惹味
紅油皮蛋 - 香辣嘅紅油淋上糖心皮蛋，口味好特別
川式蓮藕豬肉紅油水餃 - 水餃餡料非常豐富，咬落去啖啖鮮肉仲有啲蓮藕粒，口感好豐富
✨香辣烤魚
招牌香辣海鱸魚 - 以往一向只會食麻辣醬烤魚嘅我，呢日就聽服務員介紹試吓新口味！由30幾款香料煮成嘅醬汁，餐廳仲細心到可以比客人選擇少油少鹽。配埋肥美嘅海鱸魚一齊食，湯汁香辣得嚟又唔會蓋住魚肉嘅鮮味，的確係一個唔錯嘅新嘗試！之後我哋仲嗌咗啲火鍋料加入湯汁一齊食，呢餐真係好豐富呀！
✨甜品
醬爆紅糖糍粑 - 即叫即做嘅紅糖糍粑，口感煙煙韌韌咁，一啖咬落去，紅糖醬爆晒出嚟... 香濃嘅紅糖味道，口味令人喜出望外😉
餐廳整體食物質素同唔錯，服務員對客人有傾有講，仲會因應客人口味介紹唔同食物，充滿人情味！朋友仔果然冇介紹錯！！
📍 #烏蠅館 🪰 （尖沙咀）亞士厘道29-39號九龍中心大廈地下G29號舖
张贴
