牛霸王

营业中

休息中

之前已經mark左呢間位於觀塘既和牛漢堡飯專門店【牛霸王】好耐，但就算平日都好多人等位、所以一直都無機會去。最近新出左火鍋系列，所以趁天氣涼就去試下。手打和牛漢堡扒丼飯：漢堡扒手打製作，肉質紮實又多汁，配埋秘製漢堡汁，味道濃郁得嚟唔會太鹹。流心蛋黃撈飯，再加埋日式泡菜同白蘿蔔蓉，微辣、口感豐富又解膩，真係令人食到停唔到口。招牌牛肉壽喜燒：牛肉片薄切，煮得啱啱好，湯底甜中帶鹹，配埋蔬菜同豆腐，味道好平衡。一口芝士：外脆內軟，芝士味香濃。鷄皮餃子：外皮脆口，內餡多汁，食落好香口。白桃烏龍：清新解膩，白桃嘅香甜同烏龍茶嘅茶香好夾。