十下火鍋

朋友請食飯，睇中左十下呢間火鍋店一段時間，所以二話不說推薦左呢度，都幸得朋友們就我黎左呢度！終於有機會試試！呢度賣的係香港情懷，見到d檯都似以前d摺檯款，但當然唔係摺檯！仲有霓虹燈裝飾、舊式保暖壺等等！播的係80年代經典金曲，非常有feel!一行四個人點左個四人餐，再散叫左勁多食物，因為朋友驚我地唔飽，點知黎到就變左眼闊肚窄！牛肉、海鮮同雞都齊，當然打邊爐唔少得的響鈴同魚皮都有！個人最喜愛係沙白，非常新鮮！上到檯仲見到佢旭緊，食落口非常甜！安格斯牛肉比起手切牛肉少左份新鮮，但都好好食！牛味濃！花膠厚厚地，剛好每人一塊！蠔都係每人一隻，大隻到差唔多有手掌咁大！厚肉！仲好鮮甜！最後講返湯底，麻辣火鍋唔會太辣，比較著重麻，所以我唔太係得辣都接受到。另一邊就係藥材湯加豆腐。