帝樂德國餐廳 (Fashion Walk) (已結業)

係香港都唔算有好多德國餐廳，腦海都會諗起帝樂餐廳，入到去佢裝潢都好有德國風情，仲都有室外位添，幾chill 咁喎首先我地叫左凱撒沙律配煙三文魚牛油果，好清新開胃，食材食得出好新鮮，成件事好健康呀😌跟住我地叫左紐倫堡豬肉腸配酸椰菜，德國人最拿手嘅豬肉腸，食落佢唔會過鹹，配埋酸椰菜一齊食都幾match，佢仲有d 薯仔蓉係旁邊添，食完有d 置身於德國咁feel😝另外一個主菜我地order德式芝士麵團配辣肉腸同豬牛肉丸。麵團軟滑芝士香濃，配埋咸香肉丸仲有d 煙肉, 鐘意重芝士味既話係一個幾唔錯既選擇😊飲品方面都唔錯，叫左Peach Punch同Bondi Beach兩款特飲，水果香味濃郁，好有夏日氣息既feel 為今餐解一解油膩感！