十下火鍋

香港而家有唔少放題火鍋店，但年紀有返咁上下唔想食得咁飽，幾時去試吓裝修非常有特色嘅火鍋店十下火鍋。餐廳以香港70-80年代風格裝修，有唔少有年代咁嘅產品非常有特色。我哋叫咗精選二人套餐，有喜歡嘅椰子雞湯底，套餐包括了手切牛肉，丸類，海鮮，蟹粉餃，蔬菜等等。椰子雞湯底竟然用用上原隻鮮雞熬製，一開始仲以為係半隻雞，兩個人根本食唔晒。手切牛肉足夠兩個人食，係我最喜歡嘅牛頸脊油花十足，滿滿牛味。仲有餐廳自家製手打滑，有髮菜蠔豉牛肉滑，鹹蛋黃墨魚滑，蝦乾蝦子蝦滑每一款都非常有特色，出邊唔會食到。個人最喜歡髮菜蠔豉牛肉滑，蠔豉嘅香氣配上牛肉滑非常夾，另外蝦乾亦將蝦嘅鮮甜味吊出黎，店員跟會主動幫你下鍋。你好，花甲亦非常新鮮大隻，蟹肉蟹粉餃充滿了蟹肉蟹粉唔會用溝豬肉，每一啖都滿滿蟹肉非常鮮甜。另外套餐亦包括了牛丸，魚蛋，響鈴及蔬菜拼盤。每一款食材都非常新鮮呢個質素拍得住屋企打邊爐用嘅食材。雖然餐廳唔係放題，但個個人更加喜歡依款套餐式火鍋食到更新鮮優質嘅食材。