殿·大喜屋

营业中

休息中

位於帝京酒店嘅日式放題一直大受歡迎，以親民價格提供多達100款美食，刺身、灸燒、卷物、壽司、軍艦、一品料理、燒物、串燒、炸物、天婦羅、麵鍋、蒸焗鐵板、甜點、飲品，仲有無限任食魚子醬同榴槤蓉，適合約一家大細嚟聚餐。刺身肥美鮮甜，灸燒壽司細細件，私心推介魚籽醬拖羅同鹽燒左口魚邊，海膽拖羅鱈魚干手卷賣相一流，份量足，只怕大家食唔夠。炸物同天婦羅炸至酥脆可口，雞翼嫩滑多汁，榴槤炸彈真係會爆漿，熱辣辣上枱記得要趁早食，仲有燒七味鱈魚干，又薄又脆，點埋醬汁啱啱好。唔鍾意食生冷或炸嘢亦有酒樓級別嘅中式菜。大大力推介避風塘炒蟹同蜜汁脆鱔，前者啖啖肉夠惹味，後者脆身唔腥，唔覺唔覺都Encore咗好幾次。極尚椰皇燕窩燉蛋白同樣出色，淡淡香氣，入口即化，基本上每一台都有叫。自助區更會不時更換食材同Refill食物，行過經過唔好錯過。