殿·大喜屋

正好明天系公众假期，可以好好犒赏自己一下。帝京向来以高质食物闻名，果然冇失望。BOOK唔到繁忙时间，估唔到8:30都好FULL，一入到餐厅，即刻QR CODE点返个刺身拼盘先，赤海虾、甜虾、赤贝、北海道鲜带子、油甘鱼、三文鱼、泰式虎虾、蜜柑鲷薄切，样样都好新鲜，特别系鲟鱼籽酱同北海道鲜带子，鲟鱼籽咸香，带子又滑又嫩，食落口感真系一流。最啱我心水嘅系波士顿龙虾，啖啖龙虾肉，搭配特制酱汁，真系好享受。蒜蓉粉丝蒸蛏子王，蛏子新鲜得嚟又多汁，蒜香味配上粉丝，简直系完美搭档！仲有避风塘炒蟹，用嘅系新鲜蟹，香辣味十足，非常惹味。寿司方面，海胆拖罗鳕鱼干手卷，海胆滑溜配上鳕鱼干，口感好丰富！还有牛油果蟹肉最中饼，牛油果同蟹肉嘅搭配，味道好得意，细细件食多几件都无负担。仲有一品料理嘅美味，烧香草羊鞍同酱烧牛肉都好正！羊肉香气四溢，牛肉又嫩又滑，明太子玉子烧嘅口感柔滑，真系好好味。总括来讲，帝京呢个海鲜任食每一道菜都真系用心之作。下次有机会，我一定会再来探索多啲美味！…查看更多

今晚同男朋友食饭 情人节都冇食大餐拣咗放题补返 7点前走每位都系$368好多嘢食 数过电子落单有成80几款包括刺身、卷物、军舰、江户前寿司灸烧寿司、创作料理、串烧、烧物、炸物天妇罗、一品料理、蒸焗铁板、面锅仲有自助区域 主打系烧榴梿、三文鱼籽任拎沙律/餐前小食、海鲜水果、甜品饮品1. 刺身拖罗肉质粉嫩 带有少少油脂纹理表面都立立令反光 入口即化口感柔软 唔使点咀嚼都吞到海赤虾肉晶莹剔透 又好鲜甜有浓烈嘅海洋味道 咬落弹牙爽脆2. 军舰海胆拖罗鳕鱼干手卷用咗日本海胆、蟹籽铺喺拖罗蓉上 浓郁甘甜海胆同拖罗油脂香好夹下面放有鳕鱼干片同饭 脆片好似艺术品咁突出味道微咸做到提鲜作用 整体层次都几分明紫菜同鳕鱼干脆 海胆同拖罗蓉绵滑 多重口感3. 串烧烧牛舌系厚切牛舌嚟 烧到表面色泽焦糖表面有啲油光 有啲肉汁、唔会好干少少黑胡椒粉吊味 食落觉得弹牙、嚼劲盐烧鸡软骨烧到金黄微焦 盐粒唔会过多过咸少盐吊出鸡软骨嘅原味 脆中带韧、超有咬口盐烧泰国仙草虾壳红艳得嚟唔会㶶边剥壳后虾肉鲜甜  肉质紧实弹牙4. 一品料理酥炸生蚝外壳炸到金黄酥脆 但唔油腻生蚝都几新鲜饱满 入面直头爆浆皇帝蟹浓汤伊面 细份唔会嘥位蟹肉比想像中大件 一啖入口系好满足伊面吸晒浓郁蟹汤精华 口感滑溜5. 蒸焗铁板鹅肝厚多士鹅肝丰厚油亮、焦香浓郁多士煎到金黄、吸晒油后香脆唔腻甜甜哋嘅酱汁系灵魂 口感外脆内软金蒜粉丝蒸扇贝都几新鲜大粒上面舖有粉丝 粉丝食落爽滑唔硬 吸晒酱汁精华好正 面头多蒜味浓极上椰皇燕窝炖蛋白用咗椰壳盛载蛋白滑嫩无瑕 有透明燕窝喺上面点缀少少椰香清甜  整体食落口感滑顺6. 面锅清酒煮鲜蚬蚬壳好似打开咗嘅花瓣肉质嫩滑鲜甜  汤汁清醇 弥漫清酒香气鲍鱼皇帝蟹黄粥嘅色泽比较金黄可能加咗蟹黄关系  粥底绵密 感觉暖胃…查看更多

聚旧日Part 2，夜晚去食放题，拣了殿大喜屋，之前食过尖沙咀果间都几正，今次去帝京果间，优惠时段比人霸晒，自选时段都照杀，Book左3位。 20:15-10:15，自选时段任食两小时。餐厅面积颇大，楼底高有空间，3人坐的位子十分阔落舒适。自助区，落左单之后即轮流出去睇下有咩食，饮品有好多选择，梅酒、清酒及红酒都有(但都系偏淡味)，有汤水及糖水果下正。冷盘、热盘小食种类都多，甜品亦唔少，连靓靓马卡龙都有，雪糕都有好多款同软雪糕都有。放题第一盘刺身摆盘一定系最靓，即打卡，刺身多款，要了甜虾、带子、金枪鱼腩、油甘鱼、三文鱼及松叶蟹脚，新鲜肥美，当中喜欢三文鱼及甜虾。鲟鱼籽酱，预到系咩料但都想试下，咸咸地唔太有鲜味，好奇一试。海胆拖罗鳕鱼干手卷，卖相吸引，有吞拿鱼蓉、海胆及鱼籽，馅料十足，味道咸鲜口感丰富，美味。花菇红烧鲍鱼，卖相吸引，有埋西兰花作配菜，鲍鱼口感弹牙，配合个汁味道浓郁，花菇软腍。花雕醉鲍鱼，食落有少许酒味，但味道较淡，口感较韧。金汤烩花胶，必食，感觉名贵，3人份摆晒系一碗到变左感觉好多，花胶大件厚身，口感爽口弹牙黏稠，少许鲜味，食一件都好饱肚。鲍鱼皇帝蟹黄粥，个色水卖相不俗但唔见有蟹盖(因见隔离枱有)，粥底几绵味道鲜甜。 皇牌烧乳鸽王，卖相都几靓仔，皮脆肉嫩又香口。川烧珍宝鲜蚝烧，烧蚝肥美饱满，口感鲜美又多汁，加上大量的蒜好惹味。 泰式金不焕炒蚬，蚬肉饱满，香口惹味。油盐焗奄仔蟹，蟹膏甘香，蟹肉鲜甜，不俗。 酥炸桶蚝，个炸皮大厚蚝太细，食落太油味道一般。殿堂级铁板鹅肝厚多士，厚身大件，味道甘香油润，多士香脆。虫草花乌鸡汤，饮下汤水，都几油。自助区小食。甜品都几多可爱造型，好多人推介花花马卡龙，打卡之选，试了玫瑰味，口感酥脆带少许烟韧，淡淡的玫瑰香味，唔太甜，睇得又食得。柿的糯米糍，外皮软糯，入馅全是cream太甜。 仓鼠造型的芒果布甸，好可爱。狂食雪糕，Häagen-Dazs冧酒提子、焦糖脆饼及牛奶焦糖和肉桂油条，冧酒提子好味就梗，后者两款都几好味，系甜左点。Mövenpick柠檬青柠雪葩，酸酸地清香味道。 食物味道不俗，坐得舒适，服务正常，上菜都算快，愉快的一餐。…查看更多

旺角🚇帝京酒店呢间「殿 大喜屋」🥢 绝对系每次来都有惊喜💖嘅高质日式放题🍽️。  入边地方超大🤩，又光猛干净💡，加上大量云石装饰💎尽显酒店气派🏨。  呢度嘅自助区有🟠三文鱼籽任你食😍，爆汁咸鲜冲击力十足💦，捞沙律/刺身/手卷🍣自行加料超正！  刺身拼盘冰镇上枱❄️，劲丰富🌟： 池鱼王银皮闪亮✨，爽脆甘香🍃。 油甘鱼脂肪纹理好靓🐟，油香爆炸💥。 三文鱼厚切鲜味🤤，腴滑无筋💫。 甜虾糯黏🦐，虾味甘甜。 牡丹虾大大只👍，啖啖胶质黏唇😋虾膏甘香！ 松叶蟹脚肉质饱满🦀，雪白鲜甜⚪️。 仲有拖罗任食🎉，肥美粉嫩💖鱼脂甘香！  烟熏𫠒红鱼薄切🔪配咗少少三文鱼籽🟠，烟熏香渗透晒入鱼肉🐟，味道层次好丰富👏！  呢度仲有几多款寿司🍣，但系最深得我心嘅就一定系劲鲜味嘅🇯🇵日本海胆军舰同埋☺️层次超丰富嘅海胆🐟拖罗鳕鱼干手卷！  佢哋呢期有全香港独有🧂油盐焗奄仔蟹🦀任食，只只都爆晒橙红蟹膏💥，咸香带鲜甜蟹肉香嫩✨正呀！  另外仲有避风塘炒蟹🌶️，炸蒜金黄焦香🦀，辣度适中惹味送啤酒🍺一流！  蚝控必食川烧珍宝鲜蚝烧🔥同埋酥炸桶蚝🦪，一款香辣惹味🌶️，一款松脆鲜甜😊。  泰式🇹🇭麻辣奶油虾🦐虾头啲膏多到癫🧡，奶油香滑🥛加上香茅同埋柠檬叶调味，🌶️泰式风情满满！ 殿堂级铁板🪿鹅肝厚多士外焦脆🔥内软滑，入口即溶劲甘香🍞！  佢哋仲有多款串烧🍢，全部任叫任食🎉都十分之唔错👍。  自助区仲有多款冷盘🥗、热盘♨️、中式点心🥟同埋多款酒类🍶任饮🍻款式极多元化🌈。  甜品柜🍮入边嘅甜品款式极丰富🍰，雪柜仲有 Haagen-Dazs 同埋 Movenpick 雪糕添🍨真系大满足啊💯！ …查看更多

殿大喜屋（Moko旺角）任食波士顿龙虾 + 全港独家Nutella机，性价比爆棚！普通香港打工仔放工，最近终于试咗旺角Moko 殿大喜屋日本料理，平民价食到贵价货，今日同你地逐样讲！Nutella酱机（自助区必打卡！）一入自助区即刻见到全港独家Nutella朱古力酱机！热辣辣Nutella随时泵落雪糕几多都得！小朋友同甜品怪即刻疯狂任食波士顿龙虾（真．无限供应！）呢个系重头戏！每人一入座有半只波士顿龙虾肉厚弹牙。
皇牌烧乳鸽王皮脆肉嫩，一咬爆汁，$298已经包到，贵过好多日式放题！殿堂级铁板鹅肝厚多士铁板即煎，鹅肝肥美无腥，厚多士吸晒油香，贵价餐厅级数！金枪鱼腩 + 海胆军舰金枪鱼腩入口即融；海胆军舰用日本海胆，鲜甜无泥，一碟6件不够喉！避风塘系列（全部新鲜食材！）* 避风塘炒蟹：新鲜肉蟹，蟹膏满泻，蒜蓉辣椒炒到入晒味！* 蒜蓉粉丝蒸蛏子王：新鲜蛏子王，蒸到刚好，粉丝吸晒鲜汁！* 泰式麻辣奶油大头虾：新鲜大头虾个头超大，麻辣奶油酱浓郁，虾膏弹牙！甜品压轴：烧榴梿榴梿肉包雪糕，火枪烧到金黄，热榴梿香+冻雪糕，完美ending！…查看更多