殿·大喜屋

約左女朋友黎試下旺角東既殿大喜屋，價錢比平時食開個間放題要貴啲，但係環境同質素都要好唔少。環境好舒服今次好好彩兩個人都有卡位坐。而且侍應都好值得一讚，因為佢哋收碟收得好頻密，唔會搞到我成枱都係吉碟冇位擺嘢食。其實今次主要吸引到我地係魚子醬同埋海膽，不過發現其實兩款我地都冇特別鐘意食，魚子醬冇特別，叫左一次就冇叫，海膽都一樣，普普通通。但係有幾樣嘢食有驚喜，首先喺刺身方面，蟹腳同埋金槍魚腩都好好食，叫咗好多次。其他刺身都唔錯既，正常。鵝肝就真係大大件，好少見有放題係鵝肝大過塊多士，不過咁大舊真係有啲油膩。呢個海手捲，入面加咗鱈魚乾同拖羅蓉，食落口感好好，好食。呢個牛油果蟹肉最中餅，味道好奇怪，我同女朋友都唔鐘意食。我好鍾意食三文魚子，估唔到呢度可以任攞唔洗跟舊飯，超正。我差唔多食左成碗。另外佢仲有啲鮑魚花膠呢啲中式嘢可以食，不過我唔係特別有興趣，味道係正正常常既。最後食埋杯häagen-dazs彩芋味雪糕，隻蕃薯味幾出，估唔到幾好食。…查看更多

呢間餐廳主打豐富日式放題🇯🇵兩小時任食刺身、卷物、江戶前壽司、炙燒壽司、軍艦、一品料理、串燒、炸物、燒物、麵鍋、蒸焗鐵板料理、天婦羅等超過100款食物，仲有魚子醬、海膽、鮑魚、榴連等高級食材🤩出餐速度快又唔會漏單，真係食到棒住個肚走🫣💗晚市放題（$388/ 人）👇🏼以下🔟款係最值得添食：1️⃣鱘魚子醬：雖然食落唔係超高級個種鹹鮮味，但個質素都唔差，任食嚟講絕對係回本之選🦈2️⃣海膽軍艦：海膽雖然未算最甘甜，但食落都好Creamy，而且好新鮮冇臭味💛3️⃣刺身：刺身全部都好新鮮鮮甜，特別推介拖羅、北寄貝、北海道鮮帶、赤貝同海赤蝦🦐4️⃣燒香草羊胺：羊架肉質嫩滑鬆軟，香草醃得入味，完全唔騒🐑5️⃣清酒煮蜆：大大隻花甲飽滿冇沙，用清酒牛酒煮過特別鮮甜🐚6️⃣鵝肝厚多士：香煎鵝肝厚身肥美，入口充滿油香，配埋香脆嘅香草牛肉多士一齊食，簡直係完美🪿7️⃣花雕醉鮑魚：鮑魚彈牙完全唔韌，帶陣陣花雕酒香🥃8️⃣金湯燴花膠：花膠超級大塊，食起來黏滑充滿骨膠原🥘9️⃣王牌燒乳鴿王：燒乳鴿皮脆肉嫩，點埋諗🔟極尚椰皇燕窩燉蛋白：燉蛋白滑捊捊，食落甜度啱啱好，有陣陣嘅椰皇味，面頭放上燕窩點綴，夠哂高貴🥥…查看更多

每個月都會食一次如果唔想咁迫坐二人枱，我自己通常提早1-2星期book位就會有卡位或者其他闊落嘅枱😁👍🏻每次主要嚟食都係食刺身🤤海膽🤤三文魚籽🤤魚子醬🤤配埋清酒冇得頂😌午市放題就抵食3個鐘👍🏻晚市食2個鐘就超趕一夠鐘啲職員唔會理你食完未，就即刻掉晒你枱面啲嘢，雖然都明白出邊有下一輪客人要食，但係見到其他客人枱面全部都係啱啱到嘅嘢食要掉晒佢真係好浪費🥲與其唔夠時間，不如就唔好出俾客人好似好d🥲…查看更多

在酒店吃豪華版日式放題，將放題的食物水平推高至另一層次！環境尚算寬敞，座位舒適，食物種類也比一般放題店更多選擇和有特色，質素可媲美單點的居酒屋和日本餐廳，餓底表示很滿足，值回票價。晚市放題 | 2小時自選時段 | $388刺身及壽司每一桌都怒點一大盤刺身，倆口子相對之下較為理性，每次Order小量，吃到的都較新鮮。最愛大大粒鮮甜北海道帶子及赤蝦，三文魚、金槍魚腩和赤貝都可以Encore。日本海膽軍艦也很可以，完全沒有腥苦味，這個質素下可以無限Order可算佛心。喜歡油香也不能錯過火炙左口魚邊和三文魚腩，還有打卡一流的魚子醬，很有派頭，！熟食選擇非常豐富，日式放題也不乏中菜，而且質素不錯。川燒珍寶蠔、避風塘炒蟹、金菇瑤柱燴花膠都是大熱之選，看到店員一輪又一輪大大盤地上菜，壯觀又吸睛。倆口子都大愛燒牛舌和鵝肝多士，牛舌雖是薄切，但爽口不硬，調味適中又油香豐富。鵝肝多士是酒店Buffet級數，單是配角多士就值得Encore，蒜香味濃又脆口。紫心香芋丸很足料，暖烘烘又軟糯，過足口癮。自助區人山人海但尚算整潔，麻辣小龍蝦、蒸魚、炸雞都很受歡迎。需要暖胃也有中湯打底，蟲草花雞腳湯的湯料很多，而且不油膩，還有熱騰騰的點心，甚有驚喜。除了一般放題的生果選擇，竟然還有榴槤蓉和超甜山竹，榴槤控很踴躍，店員也很勤力Refill。飲品和甜品除了無糖茶，也有珍珠奶茶、港式奶茶和清酒等。Dreyer's及Haagen-Dazs雪糕也是無限任點，比起其他放題店每人只限一杯，更顯大方。椰皇燕窩燉蛋白是全晚最愛Item之一，熱辣辣的椰皇細細個但很有椰香，蛋白滑嫩不太甜，燕窩份量不少，完全有甜品店賣$80+的質素。…查看更多