楊記麻辣魚館 (長樂街)

营业中

休息中

有朋自遠方來，梗要帶佢食好野。 朋友嗜辣，又想食中菜，雖然我唔食得太辣，但為左陪佢，就帶佢嚟「楊記麻辣魚館」一試。呢度當然有辣野食啦，水煮魚係必點，麻辣味帶出魚片嘅鮮味，仲落左我鍾意嘅芫茜調味，更加好味。 望落好似好多乾辣椒，但實際又唔係大辣，反而係麻香味撲鼻，朋友單就呢味餸就食左兩碗白飯，大叫YUMMY~鐵板田雞都幾足料，入面好多田雞件，走過油，特別惹味香口。唔辣嘅菜式都唔錯。 串燒羊肉細細舊，調料醃得夠入味，配埋啤酒確係一流。