走過十萬八千里找到你

营业中

休息中

走過十萬八千里找到你，好有詩意嘅名，食物味道都唔錯。忌廉龍蝦汁甲羅燒貓耳朵貓耳粉較少機會食到，一見到餐牌有毫不猶豫即刻order，結果無令我失望。賣相好靚，有個蟹殼仔，貓耳粉一入口充滿新鮮水產味，好有海鮮嘅風味。蟹殼都相當出色，唔好蟹膏既我都食得津津有味，而且唔會過份膩。炭燒魷魚筒墨魚汁意大利飯呢個相對之下會比較濃味啲，鹹鹹香香咁，入口都舒服。魷魚筒冇咩複雜嘅調味，簡簡單單，口感唔錯。紅寶石巧克力草莓鮮奶最主要係草莓嘅味道，然後係淡淡奶香同朱古力味。應該係加咗草莓醬，所以特別香濃，好彩唔會過份死甜。手工黑芝麻好飲！充滿奶味嘅黑芝麻飲品，好舒服嘅味道！另外蒜蓉包都超級香脆！