走過十萬八千里找到你

时间大把又唔care味道嘅人可以试下依间餐厅我哋2个人book 左7：30，早左20分钟左右到餐厅并入位，叫左个2人set 加饮品头汤同沙律都正常速度上嘅，去到意粉，我哋食完个沙律等左半个钟先上到，个猪肉都系食完个意粉等左半个钟先上最后一个甜品窝夫我哋都再等一等，等到21：27真系忍唔住问个窝夫整好未，个店员话10分钟左右整好，禁等到21：41再追问，话准备上。结果上左比另一枱客人，以为有另一个窝夫比我哋，结果要重新整另一个比我哋。最后21：57先上到比我哋，用左4分钟倒左窝夫落肚然后赶住走。完全冇谂过食一个dinner 可以食接近3hrs都未食完，仲要不断吹先上得齐，已经系冇full house 情况下都可以上错枱 。仲未讲啲碟&餐具我哋用纸巾抹得出黑色，味道只可话正常。…查看更多

3个人去到叫左1个意粉，1个意大利饭，仲有一个猪鞍，点知要等1个半钟先开始上菜，仲要又贵又唔好食。。。个软壳蟹黑松露意粉好普通，但劲油又咸，真系好麻麻地，但已经系最正常果个。。。之后个龙虾汁虾意大利饭先精彩，我唔明点解佢地可以做到劲水又淋，唔讲真系以为食紧中式汤饭或者糊仔咁，人生未食过咁水又淋既意大利饭。。。直头似系用普通白米整出黎既咁。。。之后食落口又有一阵怪味，可能我见识少，真系唔钟意喇。。。仲要只虾又劲唔新鲜，感觉系放左系雪柜几日先拎出黎既咁，完全无口感，食落口一pat野咁。。。我真系唔识欣赏。。。然后到个猪鞍，个垫底嘅薯蓉居然系冻既，系啱啱上菜就已经系冻既。。。然后个猪又系生既。。。我等左1个半钟俾d咁样又生又冻既菜我真系不能接受🙃 仲要咁样收我地791蚊。。。 好在最尾直接退左个等左1个半钟都仲系生既猪鞍之后埋单540蚊， 但540蚊食1个普通意粉同埋一个垃圾Risotto，得罪讲句真系自己煮仲好食过佢🙃 又系永世blacklist系列🫡…查看更多

想随便揾一间餐厅食，咁啱见到几高评分谂住试下，但期望值太高，反而有啲失望。首先个餐汤个味道太健康，如果食咗个餐包仔再饮个汤，系唔系好饮到个味。然后就嚟咗个猫耳朵，太咸了。 再者最搞笑系个广岛蚝意大利饭，见到个菜单有写” with tomato sauce” ，一嚟到食咗几啖，一嚟觉得有啲干，二嚟系完全冇蕃茄酱味，所以问下个职员系咪原本要落酱，点知佢答我个餐单译错咗😅所以成碟饭系得啲蚝同埋柴鱼片系有味。 仲有嗌咗碟蜜糖芥末鸡翼，就正正常常。杯巨峰提子梳打，冇巨峰提子味。 …查看更多

见呢间餐厅个名几特别，评论又唔错，就book左台夜晚食饭，庆祝女朋友生日。当日系星期二晚，我地book左晚上7时，上到去顾客得我地2个，我地都打左个突，好似包场咁(以为会好多人......所以希望多啲顾客帮衬啦，唔好令舖头一间接一间地执粒😟)后来又有1台客(1男1女)嚟食饭，到接近9点先再多2男1女后生仔女walk-in，先多番啲人气。Anyway讲番餐厅，环境感觉唔错，舒服，墙身壁画画得好靓，见到店主用心装潢间餐厅，打卡完全一流！女朋友仲话将来新屋都想整到咁靓添～😜我地叫左1碟明太子岩烧蟹棒猫耳朵($148)、猪鞍伴焦糖苹果酱(好似系$228)，以上两个主食各自加$55转套餐。两个套餐所以有2碗西汤、2块蒜蓉包及2杯好似系$60以下嘅饮品。饮品叫左洋甘菊茶($52)及玫瑰洛神花茶($52)。我觉得猫耳朵份量偏少，蒜蓉包细块得济，猪鞍份量正常。不过，以上所有食物嘅味道系超级唔错！煮得好好食！由于我地系庆祝生日，本身book台留左讯息系要叫一份甜品，并且要画碟happy birthday，谁知主食食晒，我叫上甜品时，竟获告知无我想叫嘅甜品🫢我以为店主忘记左，后来我地叫另一款，好彩最终都上左个好好食嘅甜品，有happy birthday 及爉烛，女朋友十分满意。特别想讲个雪糕好似有种会拉丝嘅感觉，听女朋友讲好似用棉花糖再整落雪糕果种(其实我唔知，我剩系知好好味)。店主服务好好，几细心，会帮我地调校冷气又剩，又会倾下计，整体体验都唔错！…查看更多

琴晚一开始嗌咗一个意粉餐先，本身想嗌多个Pizza但系戴眼镜嘅女职员话冇晒（当晚我哋眼见只有一位楼面同事），咁就加多咗个All Day Breakfast嘅餐。个意粉上咗先，我哋已经食晒个意粉（大概15分钟左右），个all day都仲未嚟，因为我哋都少少赶时间咁就催一催咗张单，职员答我哋仲有5分钟，咁我哋转外卖啦，但其实谂落都唔合理，一个all day点会至少20分钟都未嚟？应该系漏咗单啦。佢整完个外卖俾我哋，因为个外卖盒唔系透明，我哋打一打开睇吓里面，menu写有牛角酥，但系我哋打开睇里面系冇嘅。问咗职员先知原来冇晒牛角酥。但系我哋唔问唔打开嘅话系完全唔会知。有咩可能冇𠮶样食材客人唔问你唔讲？系咪搏个盒唔系透明，我哋睇唔到里面，唔会即场打开唔会知？咁同呃我哋系冇分别。正常少咗样嘢点都要出声啦，我哋唔问你唔会同我哋讲嘅？如果你主动出声话俾第二样补偿，咁件事系冇问题，但系而家问题系好似搏我哋唔会睇个盒，少咗样嘢就呃我哋咁。最后补返3块三文鱼了事。…查看更多