走過十萬八千里找到你

朋友生日去咗間好有格調嘅餐廳，好啱情侶或者三五知己嚟chill下！首先叫咗個 明太子岩燒蟹棒貓耳朵，三文魚子鋪面，貓耳朵麵煮得啱啱好，幾入味，咬落去都有嚼勁，明太子醬濃郁得嚟又唔會太鹹，三文魚子嘅爆漿口感搭配貓耳朵都幾夾。跟住試咗 安格斯牛板腱，牛板腱燒到五成熟，肉少少咬口，雖然未算好驚艷，但配阿根廷辣醬，酸酸辣辣，都幾好食！最後飲品叫咗杯 玫瑰抹茶，抹茶嘅同玫瑰嘅飲落去好順喉，甜度適中。重點老闆人好好！總括嚟講都值得一試嘅餐廳！👍🏻…Read More

閒日嚟食飯，環境都幾安靜，揀左兩款意粉都幾好食，兩杯野飲仲有花送，好得意。店內都會播音樂，環境幾適合同朋友約埋一齊聚，無限時既問題，食物款式都幾多，推薦推薦！！…Read More

周圍都係連鎖式集團既餐廳有時都會想幫襯下小店依家生意難做，小店賣少見少，要支持下！今日search下旺角有咩食見到餐廳名好特別咁就黎左啦～餐廳環境舒服，適合打卡店舖職員有禮貌，擺碟都好有心機冷熱特飲都有，女仔吾飲得凍野都有選擇南瓜湯份量大，調味適中，吾太好南瓜湯既我都覺得幾好飲:)特別推介黑松露醬薯條，好味好味貓耳朵同墨魚汁飯都好味，可以一試…Read More

手工黑芝麻原價$60, 但lunch主菜+$30跟餐包括湯及$60或以下飲品，仲有小花束，好窩心。主打晚市， lunch既可得特別attention, 也可聽下歌 享受me time chill下。…Read More

奈晤奈都會掛住個貓耳朵返黎幫襯🤣 每次嚟到呢度都有熟悉又溫馨嘅感覺，環境舒服，d乾花打卡一流，店員態度親切，感覺好放鬆。最開心係呢度dog friendly，好彩嘅話可以同店內嘅狗狗互動，玩到唔想走🥰 對於愛狗人士嚟講，真係一個好療癒嘅地方。食物水準一直都keep得好好，水準穩定又有誠意，每次試新嘢都有驚喜。今次試咗個燒牛肉扁意粉，肉質嫩滑多汁，味道層次豐富，香氣四散，令人食完意猶未盡👍🏻 飲品都唔錯，啱晒朋友聚會或者想靜靜歎一餐嘅時候。總括嚟講，呢度真係值得一再回訪！ …Read More

如圖，個意粉份量啱啱好，仲要所有墨魚配汁都好夾。😆😆小食拼盤樣樣小食齊曬，咩都有得試下😛😛炸蠔又正，不過如果有多啲就好喇作為一個小聚地方，實在最適合不過👻…Read More

呢間餐廳個名好特別，評價都唔錯，所以就走咗去試。發現餐廳氣氛好不錯，裝飾好靚亦好浪漫，好chill..好適合情侶或閨密打卡，而且嘢食都不錯，同另一半叫咗明太子蟹柳貓耳朵同肉眼扒，味道不錯，偏重味嘅我仲可以自己加pepper 同芝士粉。飲品上，有培茶揀，少有而且味道都不錯。每一碟個份量都好足夠。除咗環境非常好外，每一枱都有蠟燭。氣氛滿滿，最適合情侶、朋友約會聖地！…Read More

時間大把又唔care味道嘅人可以試下依間餐廳我哋2個人book 左7：30，早左20分鐘左右到餐廳並入位，叫左個2人set 加飲品頭湯同沙律都正常速度上嘅，去到意粉，我哋食完個沙律等左半個鐘先上到，個豬肉都係食完個意粉等左半個鐘先上最後一個甜品窩夫我哋都再等一等，等到21：27真係忍唔住問個窩夫整好未，個店員話10分鐘左右整好，禁等到21：41再追問，話準備上。結果上左比另一枱客人，以為有另一個窩夫比我哋，結果要重新整另一個比我哋。最後21：57先上到比我哋，用左4分鐘倒左窩夫落肚然後趕住走。完全冇諗過食一個dinner 可以食接近3hrs都未食完，仲要不斷吹先上得齊，已經係冇full house 情況下都可以上錯枱 。仲未講啲碟&餐具我哋用紙巾抹得出黑色，味道只可話正常。…Read More

3個人去到叫左1個意粉，1個意大利飯，仲有一個豬鞍，點知要等1個半鐘先開始上菜，仲要又貴又唔好食。。。個軟殼蟹黑松露意粉好普通，但勁油又鹹，真係好麻麻地，但已經係最正常果個。。。之後個龍蝦汁蝦意大利飯先精彩，我唔明點解佢地可以做到勁水又淋，唔講真係以為食緊中式湯飯或者糊仔咁，人生未食過咁水又淋既意大利飯。。。直頭似係用普通白米整出黎既咁。。。之後食落口又有一陣怪味，可能我見識少，真係唔鍾意喇。。。仲要隻蝦又勁唔新鮮，感覺係放左係雪櫃幾日先拎出黎既咁，完全無口感，食落口一pat野咁。。。我真係唔識欣賞。。。然後到個豬鞍，個墊底嘅薯蓉居然係凍既，係啱啱上菜就已經係凍既。。。然後個豬又係生既。。。我等左1個半鐘俾d咁樣又生又凍既菜我真係不能接受🙃 仲要咁樣收我地791蚊。。。 好在最尾直接退左個等左1個半鐘都仲係生既豬鞍之後埋單540蚊， 但540蚊食1個普通意粉同埋一個垃圾Risotto，得罪講句真係自己煮仲好食過佢🙃 又係永世blacklist系列🫡…Read More

想隨便搵一間餐廳食，咁啱見到幾高評分諗住試下，但期望值太高，反而有啲失望。首先個餐湯個味道太健康，如果食咗個餐包仔再飲個湯，係唔係好飲到個味。然後就嚟咗個貓耳朵，太鹹了。 再者最搞笑係個廣島蠔意大利飯，見到個菜單有寫” with tomato sauce” ，一嚟到食咗幾啖，一嚟覺得有啲乾，二嚟係完全冇蕃茄醬味，所以問下個職員係咪原本要落醬，點知佢答我個餐單譯錯咗😅所以成碟飯係得啲蠔同埋柴魚片係有味。 仲有嗌咗碟蜜糖芥末雞翼，就正正常常。杯巨峰提子梳打，冇巨峰提子味。 …Read More

見呢間餐廳個名幾特別，評論又唔錯，就book左檯夜晚食飯，慶祝女朋友生日。當日係星期二晚，我地book左晚上7時，上到去顧客得我地2個，我地都打左個突，好似包場咁(以為會好多人......所以希望多啲顧客幫襯啦，唔好令舖頭一間接一間地執粒😟)後來又有1檯客(1男1女)嚟食飯，到接近9點先再多2男1女後生仔女walk-in，先多番啲人氣。Anyway講番餐廳，環境感覺唔錯，舒服，牆身壁畫畫得好靚，見到店主用心裝潢間餐廳，打卡完全一流！女朋友仲話將來新屋都想整到咁靚添～😜我地叫左1碟明太子岩燒蟹棒貓耳朵($148)、豬鞍伴焦糖蘋果醬(好似係$228)，以上兩個主食各自加$55轉套餐。兩個套餐所以有2碗西湯、2塊蒜蓉包及2杯好似係$60以下嘅飲品。飲品叫左洋甘菊茶($52)及玫瑰洛神花茶($52)。我覺得貓耳朵份量偏少，蒜蓉包細塊得濟，豬鞍份量正常。不過，以上所有食物嘅味道係超級唔錯！煮得好好食！由於我地係慶祝生日，本身book檯留左訊息係要叫一份甜品，並且要畫碟happy birthday，誰知主食食曬，我叫上甜品時，竟獲告知無我想叫嘅甜品🫢我以為店主忘記左，後來我地叫另一款，好彩最終都上左個好好食嘅甜品，有happy birthday 及爉燭，女朋友十分滿意。特別想講個雪糕好似有種會拉絲嘅感覺，聽女朋友講好似用棉花糖再整落雪糕果種(其實我唔知，我剩係知好好味)。店主服務好好，幾細心，會幫我地調校冷氣又剩，又會傾下計，整體體驗都唔錯！…Read More

琴晚一開始嗌咗一個意粉餐先，本身想嗌多個Pizza但係戴眼鏡嘅女職員話冇晒（當晚我哋眼見只有一位樓面同事），咁就加多咗個All Day Breakfast嘅餐。個意粉上咗先，我哋已經食晒個意粉（大概15分鐘左右），個all day都仲未嚟，因為我哋都少少趕時間咁就催一催咗張單，職員答我哋仲有5分鐘，咁我哋轉外賣啦，但其實諗落都唔合理，一個all day點會至少20分鐘都未嚟？應該係漏咗單啦。佢整完個外賣俾我哋，因為個外賣盒唔係透明，我哋打一打開睇吓裏面，menu寫有牛角酥，但係我哋打開睇裏面係冇嘅。問咗職員先知原來冇晒牛角酥。但係我哋唔問唔打開嘅話係完全唔會知。有咩可能冇嗰樣食材客人唔問你唔講？係咪搏個盒唔係透明，我哋睇唔到裏面，唔會即場打開唔會知？咁同呃我哋係冇分別。正常少咗樣嘢點都要出聲啦，我哋唔問你唔會同我哋講嘅？如果你主動出聲話俾第二樣補償，咁件事係冇問題，但係而家問題係好似搏我哋唔會睇個盒，少咗樣嘢就呃我哋咁。最後補返3塊三文魚了事。…Read More

情人節當日去食，環境ok,情人節套餐又唔算貴。野食都ok，Cafe來講，算係相當唔錯。不過可能人多，上菜有一點點慢，但同店員講完，都好快跟進。位同位之間有啲窄，人多是會有啲嘈。…Read More

伏到核爆!!!!!!!!!!如果你鍾意同曱甴木蝨一齊同枱食飯嘅話，親親大自然，絕對推薦你哋呢間餐廳。個男職員走去同我朋友講，一隻曱甴啫，使乜咁驚啊。再有先嚟同我講啦。其實半隻已經可以call食環??叫左五成熟嘅牛扒，嚟咗個十成熟。真係well-done! 個男職員會問你，咁依家係咪好難食？你咁夠薑問我，我就答你真係好難食。仲要漏單，漏5樣漏2樣，食左個半鐘，谷鬼氣。想挑戰EQ同腸胃嘅你就嚟啦。。。。…Read More

今日同朋友去咗旺角一間幾有格調嘅Cafe，裝修走簡約工業風，燈光柔和得嚟幾有情調，坐低即刻覺得成個人放鬆晒。 主菜叫咗「北海道帆立貝海膽醬扁意粉」，帆立貝煎得恰到好處，表面微焦，內裡保持鮮嫩。海膽醬汁濃厚得嚟帶啲甜味，同扁意粉好夾，每一啖都食到海洋嘅鮮味，水準唔錯。 甜品揀咗「抹茶紅豆自家窩夫配抹茶雪糕」，窩夫外脆內軟，紅豆唔會太甜，同微苦嘅抹茶味平衡得幾好。抹茶雪糕茶味濃郁，慢慢溶化時撈埋窩夫食，味道層次豐富，作為收尾幾滿足。 飲品方面，我嗌咗「玫瑰果洛神花茶」，酸甜清爽，朋友飲「桂圓紅棗茶」話幾潤喉。跟餐嘅餐湯同多士都幾有心思，湯夠creamy，多士香脆，簡單但做得仔細。 整體嚟講，呢間Cafe食物質素對得住價錢，環境又舒服，唔會太嘈，適合慢慢食吓野、傾吓計。…Read More