走過十萬八千里找到你

見呢間餐廳個名幾特別，評論又唔錯，就book左檯夜晚食飯，慶祝女朋友生日。當日係星期二晚，我地book左晚上7時，上到去顧客得我地2個，我地都打左個突，好似包場咁(以為會好多人......所以希望多啲顧客幫襯啦，唔好令舖頭一間接一間地執粒😟)後來又有1檯客(1男1女)嚟食飯，到接近9點先再多2男1女後生仔女walk-in，先多番啲人氣。Anyway講番餐廳，環境感覺唔錯，舒服，牆身壁畫畫得好靚，見到店主用心裝潢間餐廳，打卡完全一流！女朋友仲話將來新屋都想整到咁靚添～😜我地叫左1碟明太子岩燒蟹棒貓耳朵($148)、豬鞍伴焦糖蘋果醬(好似係$228)，以上兩個主食各自加$55轉套餐。兩個套餐所以有2碗西湯、2塊蒜蓉包及2杯好似係$60以下嘅飲品。飲品叫左洋甘菊茶($52)及玫瑰洛神花茶($52)。我覺得貓耳朵份量偏少，蒜蓉包細塊得濟，豬鞍份量正常。不過，以上所有食物嘅味道係超級唔錯！煮得好好食！由於我地係慶祝生日，本身book檯留左訊息係要叫一份甜品，並且要畫碟happy birthday，誰知主食食曬，我叫上甜品時，竟獲告知無我想叫嘅甜品🫢我以為店主忘記左，後來我地叫另一款，好彩最終都上左個好好食嘅甜品，有happy birthday 及爉燭，女朋友十分滿意。特別想講個雪糕好似有種會拉絲嘅感覺，聽女朋友講好似用棉花糖再整落雪糕果種(其實我唔知，我剩係知好好味)。店主服務好好，幾細心，會幫我地調校冷氣又剩，又會傾下計，整體體驗都唔錯！…查看更多

在鬧市中探索到呢間靚靚嘅 cafe，真係驚喜連連！裝潢好有心思，天花同吧枱都擺滿咗乾花，感覺優雅得嚟又唔失活潑。而且牆上仲有幾幅特色壁畫，真係好吸引。下單菜式 🍽️🦀明太子岩燒蟹棒貓耳朵 $148🧅南瓜湯 🌼洋甘菊茶 $52餐點分享明太子岩燒蟹棒貓耳朵菜名好可愛！蟹棒經過火炙，外脆內嫩，加上鹹香明太子同鮮甜三文魚子，拌入忌廉醬，濃郁得嚟又唔膩。每一顆貓耳朵都入晒味，咬落去彈牙十足，真係好正！洋甘菊茶作為花茶愛好者，呢杯洋甘菊茶令我非常滿意！仲送咗一朵鮮花，感覺好有心思。呢杯茶有排毒去腫、美顏潤肌嘅功效，飲完心情都好好！南瓜湯今日餐湯係南瓜湯，真係好可愛！碗係動物造型，超級有趣。湯熱辣辣送上，香味十足，南瓜味同香草味交織得剛好，濃稠度啱啱好，唔會太厚重。配上香脆嘅蒜蓉包，焗到超香，牛油味濃得令人難忘！總括來講，呢間 cafe 真係令人打卡100分，走過十萬八千里都值得！下次再來試下其他菜式！🌼💖…查看更多

呢間餐廳名稱好有台劇feel，好浪漫，好易入腦。一入到餐廳，好似入咗花海咁，天花及窗邊佈滿乾花及乾草，而牆壁畫上浪漫嘅風景，有摩天輪，有夜景等，天毛掛上月亮吊燈，整個氣氛充滿詩意。午市套餐可選意粉，意大利飯或主菜。惠顧以上任何一款菜式，可加$55跟餐，包餐湯，餐包及$60以下飲品。🌸是日餐湯：南瓜湯餐具非常可愛，湯碗係動物造型😆南瓜湯熱辣辣送上，好香南瓜味同埋香草嘅味道，湯汁濃稠度適中，唔係太杰。伴有香脆蒜蓉包，麵包焗到超香脆，仲有好濃嘅牛油蒜蓉味道，好香呀！🌸明太子岩燒蟹棒貓耳朵 $148菜式名字好可愛，吸引咗我嗌呢道菜式。蟹棒經過火炙，口感焦香。鹹香嘅明太子及鮮甜三文魚子拌入忌廉醬汁，濃稠到適中，每一顆貓耳朵都有醬汁，貓耳朵質感柔軟彈牙，入晒味😋🌸三文魚籽龍蝦汁意大利飯 $178顏色鮮艷，大蝦放喺最頂，擺盤賣相幾靚。大蝦多肉，烤得好香。龍蝦汁濃郁，米飯吸收咗醬汁精華，加上有三文魚籽點綴，粒粒鮮明，口感卜卜脆爆汁。飯入面，加入咗瓜類，及意大利飯上，放咗沙律菜，增添咗色彩同營養，令菜式更健康。🌸藍莓白茶 $48一見到呢壺茶就即刻叫因為藍莓係有抗氧化成份，一定要補充吓！白茶淡香，入口清新回甘，飲落去好舒服，成個人relax咗。🌸玫瑰鮮奶咖啡 $56拉花好靚，乾燥玫瑰花瓣均勻晒喺面，成個賣相好優雅好靚💞入口香滑，帶有清新玫瑰花香，覆蓋咗本身咖啡嘅苦澀味。咖啡味道沈穩香醇，十分出色。…查看更多

之前見到呢間cafe個名咁特別，又有明太子菜式，bookmark咗要去試吓～ 環境唔大，但都幾有特色同打卡able，天花有好多乾花裝飾，牆身又有壁畫！Menu有意粉、意大利飯、主菜、二人餐等，仲有好多飲品選擇～✨明太子岩燒蟹棒貓耳朵 $148衝著明太子叫😂 不過明太子唔算好多呀，味道唔太出，反而蟹肉味道出啲！有兩條輕輕燒過嘅蟹棒、蟹肉、八爪魚仔、三文魚子～ 整體幾鮮味！如果明太子醬再多啲就好啦😂 貓耳朵平時比較少見，值得試吓～ 口感非常有嚼勁，煙韌可口！煙韌控必食！✨日本廣島蠔肉意大利飯 $158平時好鍾意食蠔，所以呢道菜都係見到就想食～有5隻廣島蠔，size唔太大都唔太細，蠔肉鮮甜濃味🤤 意大利飯都唔錯，米粒口感煙韌，加咗洋蔥同瓜粒～整體調味適中，唔會太鹹太淡～🔸加$55跟餐，包是日餐湯、餐包、$60以下飲品餐湯係椰菜花湯，幾特別，幾純粹嘅味道～餐包係蒜蓉包，好香脆，好香蒜蓉味！✨紅寶石巧克力草莓鮮奶原價$68，跟餐補差額～ 呢杯好打卡又好飲！草莓牛奶上面鋪咗玫瑰花瓣，食到草莓肉，奶味又香濃，好飲！✨熱鮮奶抹茶聖誕樹拉花好靚😍 亦都有玫瑰花瓣，好靚好打卡！抹茶味回甘，好溫暖順喉～…查看更多

紅寶石巧克力賣相：🐧🐧🐧🐧🐧味道：🐧🐧🐧🐧🐧飲品色澤粉嫩迷人，以尤如紅寶石一般的士多啤梨粒作裝飾，表面再以忌廉與玫瑰花作點綴，感覺夢幻少女心滿滿。飲品口感順滑可口，點點果肉為飲品增添嚼口。當中蘊含濃郁的牛奶味道，與醇香的朱古力味互相襯托，甜而不膩。酸香怡人的士多啤梨粒令飲料多一抺清新。明太子岩燒蟹棒貓耳朵賣相：🐧🐧🐧🐧🐧味道：🐧🐧🐧🐧🐧貓耳朵意粉嚼勁十足，煙韌可口，內裡沾滿馥郁奶香的醬料，伴隨海水味十足的明太子一齊食，鹹鮮又甘香。蟹棒經微燻燒香，香味四溢，入口鮮甜爽滑，十分美味。🐧❣️意粉主食可加錢跟餐，包括有餐湯、蒜蓉多士以及飲品❣️環境：🐧🐧🐧🐧🐧餐廳裝修與餐廳名稱一樣詩情畫意，以大量芒草乾花佈置天花牆身，唯美的彩繪壁畫令人彷如置身於童話一般，打卡必到之選。🐧❣️餐廳設有洗手間，整齊又清潔❣️🐧❤️結語：紅寶石巧克力美味、夢幻又迷人，打卡必點。…查看更多

同姊妹食飯真係多數都揀CAFE☕️可以傾下偈 又可以享受下環境 CHILL下👯‍♀️今晚同姊妹去左一間期待之久 環境好靚既CAFE位於油麻地既 十萬八千里找到你📍-食物方面以西餐為主，可以配上湯餐及餐屯包有SET📝餐湯係栗米湯及熱辣辣既餐包 暖胃!🥣食物方面，我揀左日本三文魚籽海鮮龍蝦汁意大利飯🥄🦞呢個幾惹味，偏乾身唔會太CREAMY✅而且都食到啖啖海鮮的!😁-姊妹揀左明太子岩燒蟹棒貓耳朵🍝貓耳朵意粉一粒粒好好咬 不過呢個偏淡‼️如果鍾意濃味既朋友可能未別夠⚠️-飲品方面，朋友點了荔枝梳打🍹我就點了自家製草苺醬梳打 推薦我呢杯🍓味道自然偏酸，夠解渴又清新!😋-輕鬆既晚上，岩晒同姊妹邊食邊傾!💖不過食物份量真係唔算大份，要留意呀❗️…查看更多

呢間cafe走過十萬八千里找到你 一入到去就有好多乾花嘅佈置🌸💗好適合擁有少女心嘅人去🫶🏻成個氛圍都好浪漫💕晚餐時段都有套餐叫😳套餐只需要加$45 就可以有餐湯 餐包 加飲品😋湯係羅宋湯🧡好開胃🧡主菜我哋分別叫咗明太子岩燒蟹棒貓耳朵🐱同埋軟殼蟹黑松露意粉🖤貓耳朵煙煙韌韌 好夾明太子😋😋而黑松露意粉好夠黑松露味 好香口🔥🔥飲品方面叫咗手工黑芝麻拿鐵同紅寶石巧克力草莓鮮奶💖杯拿鐵同芝麻好夾 有少少似芝麻糊嘅味道😍而杯紅寶石巧克力草莓鮮奶勁靚 好適合打卡 而且味道都好好唔會過甜🥰 呢間Cafe嘅佈置好靚 食物質素幾高😚如果要拍拖或者聚會嚟呢到食都係一個好選擇☺️☺️☺️…查看更多

旺角乾花打卡Cafe夜晚氛圍幾有Feel日頭有自然光影相更靚～｜走過十萬八千里找到你｜明太子岩燒蟹棒貓耳朵 $148貓耳朵好特別呀～食落其實好似貝殼粉咁比較有嚼勁口感明太子醬都幾多蟹棒上面仲有粒粒魚籽更提升口感和味覺！原條鰻魚意大利飯 $178有d 日式X西式 fusion既感覺鰻魚好大條呀仲加左木魚絲，令整體更豐富燉飯味道唔會太鹹加埋鰻魚汁就岩岩好+$45跟餐，含餐湯、餐包和$55以下飲品2款飲品超靚，打卡岩晒～玫瑰抹茶Latte抹茶味好香好濃，係用宇治丸久小山園抹茶調製紅寶石巧克力草莓鮮奶限量供應，面層有鮮奶油底層食到草莓果肉充滿層次感！適合想係旺角想搵一個休閑既地方坐下既好去處…查看更多

鐘意周圍打咭嘅靚女s👩🏻👩🏻‍🦰👩🏼‍🦱 相信對呢間《走過十萬八千里找到你》一啲都唔陌生，除咗個名改得夠浪漫夠特別之外，呢度最令人深刻嘅就係，永遠睇倒食客相都係一片五顏六色嘅乾花花海💐🌺🌸🌼🌷🌹🌾🥰 環境非常靚～過咗差唔多三年，蕃薯妹終於嚟朝聖😂🤟🏻一打開𨋢門見倒掛滿嘅乾花真係突然少女心爆棚🙈 位都未攞就忍唔住即刻舉高個電話拍片🤳🏻 原來呢度地方唔大，但係食客都幾多，仲有人帶狗狗🐶嚟影相，想嚟打咭嘅靚女都最好book定位～呢度主打意粉同意大利飯，另有沙律、Main Course、小食同甜品，某啲fusion配搭都幾特別～ 主食+$45/$55 仲可以跟餐配埋是日餐湯、餐包同埋飲品💁🏻‍♀️明太子岩燒蟹棒貓耳朵 $148⭐️推薦👍🏻 貓耳朵口感軟糯煙韌，而且掛汁能力一流🙈可以啖啖都沾滿醬汁，仲要係配搭濃郁嘅明太子醬，蕃薯妹一見倒個名已經流緊口水🤤 啖啖creamy嘅醬汁加上三文魚子放入口，口感一流好好味🤤 日式壽喜燒牛肉茶漬意大利飯 $158好新奇嘅配搭，表面佈滿郁郁木魚同紫菜，中間有一隻流心溫泉蛋，牛肉份量都幾多，第一次食湯意大利飯，感覺都幾特別。味道相對淡口，啱曬keep fit嘅妹子👩🏻‍🤝‍👩🏼蜜糖芥末雞翼(單骨) $48⭐️推薦👍🏻單骨雞翼食起嚟好方便，雞翼炸得好脆，而且醃得入味，蜜糖芥末醬好惹味🤤紅寶石巧克力草莓鮮奶(限量) $68飲品上檯嘅擺盤都好靚，仲有一束仔招牌乾花襯托💐 如果想打咭就可以好似我咁揀返杯「打卡拿鐵」類，表面好多玫瑰花瓣個樣好靚🌹☺️牛奶味好香濃，草莓味唔會死甜，唔係好飲倒朱古力味🤔不過都幾好飲😆洋甘菊茶 $52冬天凍冰冰最啱就係飲熱茶，呢度有幾款「冬季特飲」水果花茶就啱曬🥰 夜晚影啲乾花同個環境都比較暗，下次要試吓日唞🌞嚟食嘢，影相應該會靚好多☺️…查看更多

餐廳佈置好靚 除咗有好多花花之外🌷仲有一幅摩天輪牆壁 打卡一流🎡食物質素亦好高😝.📌轉套餐 +$55配餐湯, 餐包同$60以下飲品1️⃣餐湯甘筍忌廉湯甘筍味好濃郁 好似用甘筍榨個湯出黎咁 好足料🥕2️⃣餐包麥包食落鹹鹹地 煙煙韌韌🍞.📌明太子岩燒蟹棒貓耳朵 $148呢個好好味好推薦❣️明太子醬同忌廉比例啱啱好 明太子濃郁而不鹹 加埋cream嘅奶香 成個醬好正🧡鹹鹹地嘅爆汁三文魚籽同明太子醬又係絕配🍣再加埋啲卜卜脆蟹籽 口感更豐富🦀蟹柳嘅炭燒味唔係好出 正正常常😆最鍾意貓耳朵勁掛汁 每一啖都大滿足😻不過就略嫌貓耳朵口感硬左少少 如果淋番啲就完美🙌🏻.📌北海道帆立貝海膽醬扁意粉 $178用個石盤裝住啲意粉好特別又靚 仲可以keep住暖🪨意粉面頭配上木魚絲同紫菜絲 令成個賣相更靚🥳除左有兩大粒帆立貝 仲有幾多細細粒嘅魷魚, 蝦仁同硯🦑🦐海膽醬唔算太濃郁 不夠都幾creamy 扁意粉都掛到汁 口感幾彈牙🍝雖然個醬唔算太濃味 但都有啲蓋過左海鮮嘅鮮味🤏🏻.📌熱手工黑芝麻拿鐵 (set)黑芝麻香味好濃 甜度好適中🖤飲落有少少似食緊超滑嘅芝麻糊😋飲到底仲有好多黑芝麻 真係好足料👍🏻個拉花仲好靚 打卡一流🥰.📌茉莉花綠茶 (set)茶味偏淡 只係有淡淡嘅茉莉花香味🍵…查看更多

想試呢間好耐㗎喇，終於就到時間🥹點解會試？第一因為個店名（雙魚女鍾意浪漫），第二因為以乾花做主題（仍然有少女心），所以我終於都試咗啦🤫😆明太子岩燒蟹棒貓耳朵，呢個係最受歡迎嘅菜式之一，貓耳朵有嚼感，明太子汁好香好濃郁，加埋三文魚子有豐富嘅層次口感磯燒魷魚筒墨魚汁意大利飯意大利飯加入咗洋蔥，所以幾有口感，魷魚筒切開咗好容易食，而且一啲都唔韌鮮奶焙茶拉花靚，焙茶味香濃，夠大杯，不過對於我嚟講都甜咗少少🤏🏻紅寶石巧克力草莓鮮奶呢個賣相好靚，有玫瑰花瓣點綴，淡淡嘅玫瑰花香，加上草莓果肉，視覺同味覺嘅效果都有✨呢度影相📸️真係好靚，好舒服🍂好啱同friend 喺度傾計Hea下…查看更多

.成班同事難得夾到假期岀黎食飯，OpenRice左好耐，有人提議食呢間，又有人話想試好耐，咁就梗係最好啦！一入門口就比一大片花海包圍住，成個天花板都係乾花，仲有好靚打卡able既壁畫😍😍，不時都有人瘋狂影相打卡。望左個set menu一陣，諗緊究竟包唔包野飲既時候，個店員就行埋黎解答係包任何價錢既野飲的，鋪頭細細就有呢個好處，店員仲好friendly會幫客人打卡。四人Set $1298 💛 是日餐湯+麵包麵包鬆軟，但餐湯蘑菇味不太重，略嫌有啲稀薄💛前菜 （四揀二）我地揀左水牛芝士蕃茄沙律同意色巴馬火腿烤茄沙律，兩款寫到蕃茄好似一個有烤過另一款無，不過都好似差唔多🤣🤣呢兩樣嘢令到我對餐廳有啲失望，但係後面係有挽回唔少既分數，一樣比一樣好味！💛頭盤 包括日式三文魚籽蟹肉多士四件同巴馬火腿迷你薄餅。個蟹肉多士夠脆身，feel到個蟹肉凍凍地都無倒汗水整腍到個多士係幾好既，蟹肉上面除左大大粒三文魚籽，仲有啲蟹籽粒提升口感。巴馬火腿迷你薄餅正常水平，夠多芝士可以拉曬絲咁，幾邪惡既🤪💛意粉&意大利飯 （四揀二）我地揀左明太子岩燒蟹棒貓耳朵同埋北海道帆立貝海膽醬扁意粉純粹個人喜好，我係貓耳朵既忠粉，menu上面有我十成九都叫，因為鍾意佢軟糯既口感，煙靭又彈口，佢係完全fulfill到曬既。上面既蟹棒燒過有炙燒既風味幾好🤤🤤 個扁意粉拎上枱既時候用左個大石碗，厚實又有分量，令你充滿期待，而北海道帆立貝大大隻係面頭再加埋鰹魚片飛下飛下，即刻食指大動👍🏽👍🏽💛主菜 （四揀二）我地揀左香煎挪威三文魚拼大蝦配阿根廷香辣醬同埋慢煮紐西蘭羊架都係配阿根廷香辣醬睇返menu先知原來兩樣都加左同一個醬，好在個醬唔係好辣，反而係令到三文魚同個羊架既香氣同味道都突顯岀黎。份三文魚啲魚油令到個肉質好嫩滑又好juicy，係岀邊餐廳食黎講，我覺得都可以排入top five👑。仲有個底既薯蓉幾好味，smooth得黎唔會好漏。💛甜品 宇治抹茶紅豆自家窩夫，紅豆多到好似唔使錢咁，瀉到一碟都係。窩夫暖粒粒又香噴噴，配抹茶雪糕同紅豆簡直係暖心又sweet sweet既組合😍😍😍💛飲品自家制草莓醬梳打，紅寶石巧克力，柚香菠蘿檸檬梳打，玫瑰抹茶，我啲fd仲特登排到三杯野飲放埋一齊就好似紅綠燈咁，又可以靚靚打下卡，又好飲。總括而言，有靚靚打卡背影，又有少女心飲品，連姨姨級都識約到黎，你地唔係唔識呀嘛🤪🤤餐廳: 走過十萬八千里找到你📍地址: 旺角彌敦道575號Ladder Dundas10樓💎人均消費: $300-400必食推介: ⭐️⭐️⭐️⭐️#hmmmeatwhat西餐 #hmmmeatwhat旺角 #hkfoodie #hkfoodie #食好西 #美食 #美食推介 …查看更多

🎉Main全日可以+💰55跟餐🔍包是日餐湯(當日係南瓜湯)、餐包、💰60 below嘅飲品✨法式蟹肉蝦膏汁扁意粉💰148💫評分: 7.8/10📝每啖意粉都會食到蟹肉好足料，醬汁幾濃海鮮味，意粉都掛汁同食落al dente！✨明太子岩燒蟹棒貓耳朵💰148💫評分: 7.4/10📝貓耳朵好有咬口，明太子醬好惹味濃郁得嚟唔膩，加埋三文魚子口感更豐富，配埋2條微焦過嘅蟹棒，呢個人氣款好滿足🤰🏻✨紅寶石巧克力草莓鮮奶💰68(跟餐+💰8)💫評分: 7/10📝上面有cream，最底有驚士多啤梨乾，賣相好靚，士多啤梨加朱古力味整體偏甜✨玫瑰果洛神花茶 (跟餐+💰0)💫評分: 7.5/10📝鍾意佢嗰糖水分開可以自己adjust甜度‼️走過十萬八千里找到你 𝕊𝕠𝕞𝕖 𝔻𝕒𝕪 𝕠𝕣 𝕆𝕟𝕖 𝔻𝕒𝕪 ℂ𝕒𝕗𝕖📍旺角彌敦道575號Ladder Dundas10樓(油麻地🚇A1出口行3分鐘就到)💫評分: 7.5/10💬成個裝修好多花花，呢間旺角樓上Cafe以乾花裝飾為主題，由天花板到窗都有色彩繽紛嘅乾花，牆上有唔同主題嘅手繪畫，好似置身花海，好啱打卡，除左最多人食嘅意粉同risotto，main仲有牛豬羊等等！Portion唔喺cafe size，同正常餐廳差唔多，叫埋嘢set(包嘢飲)人均~💰200！🏃🏻‍♀️再訪？🄼🄰🅈🄱🄴#走過十萬八千里找到你 #cafe推介 #明太子意粉 #旺角 #小店 #旺角美食 #mkcafe #香港美食 #café #cafehopping #cafe #hkcafe #cafehk #hkcoffeeshop #hkcoffee #hkcoffeelover #hongkongcafe #hongkongcafes #cafehopping #cafehoppinghk #foodieblog #truffle #明太子 #黑松露 #油麻地 #意粉 #貓耳朵 #油麻地美食…查看更多

今日同朋友慶祝生日，你呢間OpenRice熱搜第二位打卡cafe食飯，裝修幾有格調，黃色燈光配上天花板嘅乾花，加上幾幅壁畫，感覺很有秋意 🍂 不過由於燈光比較昏暗，適合日間時間來食飯打卡，夜晚環境太暗，影相唔夠燈光明太子岩燒蟹棒貓耳朵🐱貓耳朵形狀的貝殼粉，上碟嘅賣相好靚，用咗蘿蔔絲，蓮藕脆片和烤香葉做裝飾，醬汁有明太子和蟹子忌廉汁，creamy中帶少少沙律醬嘅酸味，好似蟹子沙律壽司醬嘅味道😝，分量啱啱好又唔會太膩，不過貝殼粉有啲硬如果煮淋啲會好食啲🍝鮮茄龍蝦汁墨魚意大利粉配香烤海蝦🦐賣相都唔錯，顏色鮮艷，香烤海蝦加咗黑椒開邊烤，肉質爽口彈牙，味道鮮甜😋；龍蝦汁鮮味濃郁，好似飲緊龍蝦湯咁，意粉軟硬適中👍🏻🍋唐揚柚香青檸雞翼🐔一份大約有四隻開邊雞翼，雞翼烤得有啲過火，食落係幾香不過肉質比較乾身，有啲柚子醬酸酸甜甜都幾開胃🍓🫐🧇自家製士多啤梨醬雜莓窩夫配日本手工焙茶冰淇淋🍨窩夫份量適中，不過唔太脆比較軟身（可能係我哋影相影得太耐雪糕溶咗所以淋左），雪糕應該係Oreo雪糕，唔似焙茶雪糕，士多啤梨同藍莓等等水果份量都幾多，平衡返窩夫嘅飽滯感，水果新鮮，酸酸甜甜好開胃🍵宇治抹茶芝士蛋糕🍰蛋糕質感比較結實，芝士味濃郁蓋過抹茶香味，可以再落多少少抹茶粉，或者喺面曬抹茶粉提升抹茶味道🍎富士蘋果生芝士蛋糕🍰呢個芝士蛋糕裏邊有少少蘋果粒，酸酸甜甜，甜度適中，蛋糕口感軟熟，有少少食緊雪糕嘅感覺，入口即溶，令人回味😍🌹玫瑰抹茶🍵玫瑰香味濃郁，抹茶和奶味平衡適中，甜度適中，拉花賣相都唔錯👍🏻整體來講，食物質素唔錯，環境幾靚，不過燈光比較昏暗，人太多，枱之間距離太逼夾，服務員都比較忙，聽店員講話下個月會更換餐牌，希望下次可以試到新菜式…查看更多