喜記蟹將軍

营业中

休息中

今次同朋友專登嚟到尖沙咀嘅喜記旗艦店，呢間已經係香港開左60年嘅老字號，一推開門就見到熱鬧場面，人聲鼎沸，充滿濃濃嘅煙火氣🥢招牌避風塘炒辣蟹陣勢勁震撼！成隻蟹被炸到金黃酥脆，蒜蓉同辣椒鋪到好似小山丘咁高🌶。蟹殼會有人嚟幫手拆開，肉質鮮甜彈牙，辣椒同蒜蓉嘅香氣完全滲入蟹肉入面，辣得過癮又唔嗆喉，聽講係用咗秘製傳統香料炒製！招牌乳鴿皮色油亮誘人✨ 咬落去外皮酥脆到好似玻璃咁，而入面嘅肉質鮮嫩多汁，肉汁biu到出嚟，仲帶住陣陣烤香，唔使點蘸醬都已經好滋味！鮑魚雞煲醬香味濃郁，鮑魚軟糯彈牙，吸滿咗雞湯同醬汁嘅精華；雞肉亦都炆得好入味，嫩滑得嚟又唔會散！蟹油炒麵，真係靈魂所在！麵條均勻掛滿蟹油，蟹鮮味濃郁，口感煙韌彈牙，食到尾都唔會覺得油膩，反而越食越上癮😋呢一餐食得超滿足，喜記果然名不虛傳，無論環境定係味道都充滿住老香港嘅情懷，下次一定會再嚟！