木子甜品 (已結業)

由中學開始已經成日食，呢度嘅芋圓咁多年嚟都保持到水準！份量多，口感好，有咬口好煙韌，不過後來食多咗唔同地方嘅芋圓有比較之後，就略嫌芋頭味唔夠出，不過都好好食。我通常嚟木子會食芒果雪泥芋圓，呢款係用紅豆沙做底，同芋圓都幾夾！另外個芒果雪泥嘅芒果味好重，亦同成個甜品配合得好好。呢個價錢嚟講絕對係超值！除此之外，我仲試過芒果仙草冰，夏天去飲嘅真係好降溫！啲冰好沙，好重芒果味，而上面有個椰子味嘅雪泥，亦都係好重椰子味，而且質感都好滑！個底係仙草凍，令到成杯飲品唔係淨係得冰咁單調，亦都增加口感！