木子甜品

营业中

休息中

-記得以前木子甜品有好多間分店，而家堂食都係30幾蚊一碗糖水已經好難得，仲要係大大碗，先講第一碗宇治豆花芋圓，見到OpenRice好多人推介，入面有紅豆、抹茶雪糕、芋圓、地瓜圓同埋豆腐花，個汁主要係靠抹茶雪糕，溶咗之後撈嚟食，份量好多，我亦都覺得呢一個比後者更出色木子1號就係招牌菜，除咗芋泥芋圓白玉之外，都係豆花底，配以紫米露底，紫米露味道好淡，個人覺得可以再濃多啲，不過比左好多芋圓，鍾意食芋圓可以揀木子1號，下次比起豆花更加想試仙草😗-▶︎宇治豆花芋圓 | $32▶︎木子一號（芋泥+芋圓+白玉） | $35-📌#sorriso_大窩口 #sorriso_荃灣區-🏠【木子甜品 Muzi Dessert】📍 荃灣荃華街16號荃薈地下G31-33號舖🕑星期一至日 13:00 - 23:45-#foodie #foodiehk #hkeats #不專業食評 #打卡 #相機食先 #食好西 #食評 #852foodie #吃貨 #foodstagram #foodphotography #大窩口美食

荃灣呢間甜品吸引到我，係因為有次經過見到有隻貓喺裏面，可惜當時無諗住食甜品。今次再去到荃灣，又想食甜品朋友就諗起呢到，決定去試下，而且睇下會唔會偶遇到貓貓。店內都有貓的裝飾，可惜無見到貓貓。我哋試左2款甜品。芋圓海底椰豆腐花（$35）芋圓份量幾多，煙煙韌韌。海底椰爽甜，估唔到嘅係豆腐花份量好多，加埋芒果雪糕，食完非常滿足。椰汁紫米芋圓（$32）朋友食，好特別係佢有幾粒湯圓，椰汁夠香，同樣，份量都好大。以呢個價錢有咁大份量嘅甜品好少見，下次有機會再試下其他。

第一次黎食，我見網上推介呢間糖水店，一直想試，今晚同朋友食完晚飯，我咁岩經過入去試下，男老闆好熱情招待，服務非常好，叫了香芒小丸子，好香芒果肉，好有懷念許留山味道，白色個d椰子味雪糕，好好食，慢慢品嚐，甜在心頭，價錢真心唔貴，我下次一定再黎食

見到都有d好評諗住試下 點知食咗一啖已經覺得可以Blacklist 個紫米露底勁淡 唔知放咗幾多日 啲紫米稀又冇口感 好似食緊粥水 芋圓叫做正常因為現成嘅 不過唔會再曬錢..

當日同朋友聚會，決定試吓呢間荃灣人嘅回憶小店😋結果冇令到我失望，啲芋圓好爽口彈牙，會話好食過我早排去台灣試嘅兩間人氣芋圓舖😂鍾意食芋圓嘅朋友仔一定要去試吓，真係返唔到轉頭😍

同屋企人食完飯之後心思思想食抹茶雪糕，屋企人就提議，一齊去食呢一間之前開到成行成市嘅木子甜品🍧！⬆️宇治雪泥仙草🍵本身入邊係有紅豆嘅，但係由於我係唔食紅豆，店員就提出可以俾多少少芋圓我！份量勁大方🥳而且升草係食極都有，已經分咗兩大嚿出去，但係食極都仲有好多！而且抹茶雪糕都幾夠味！$33碗嚟講算係好抵食，好高分啦😋⬆️芒果🥭雪泥芋圓我屋企人嗌咗呢一碗係用紅豆湯做底嘅，食落暖笠笠🥺屋企人好似對佢哋嘅芋圓好滿意，尤其係大大粒嗰隻！個份量真係多到就咁當下一餐食都會好飽！🤰🏻如果下次想甜品當做一餐，呢個都係一個唔錯嘅選擇！佢啲材料一定唔似其他嗰啲連鎖店更豐富，不過勝在價錢夠親民🥲🥲所以下次都有機會會再嚟食

第一次食芋圓就已經係食木子，真係好多年前啦⋯⋯記得以前包心芋圓好正但可惜問左而家已經冇再出啦(希望老闆可以引入返啦)今次都係食我最鐘意既豆腐雪泥芋圓～我覺得水準都keep到呀係而家芋圓少左dd，同包心芋圓已經被大粒既白玉丸子取代了(個人覺得可以改做細粒少少既白玉丸子口感合好d，而家大粒又冇味食緊一大舊粉咁)不過以現時舖租其他成本黎講，$3x仲可以堂食到一碗糖水都冇乜可以挑剔～未必會令我成日想突登去食不過經過都會食返碗既

童年回憶，果然只應在心中⋯突然間醒起當年中學成日食佢，咁岩係附近就返去懷緬一下，都估唔到成十年，都仲未執😂豆腐雪泥芋圓 $32個紅豆湯底唔凍唔熱，啲紅豆原粒上，都未溶。7原來湯圓係冇餡，芋圓好煙韌，食多幾粒有啲攰，不過芋頭同番薯味好出。好主觀嘅，大家中意嘅口感不同，我個人鍾意啲超林超軟熟，呢間唔係太岩我。鮮雜果撈 $43估唔到係俾啲最cheap嘅水果，圖文不乎喎，勁失望，仲要得3款，張圖有5款嘅，芒果係幾甜，個底係椰子冰，都幾重椰子味，撈埋啲水晶撈幾爽脆，但CP值⋯🫠🫠🫠

食完Dinner，成日都心思思想食甜品。芋圓一定係我首選！-抹茶雪泥芋圓$32抹茶雪泥抹茶味濃，配埋紅豆湯超夾！-鮮雜果仙草(芒果雪泥)$43生果好鮮甜，仙草好滑！兩碗嘅芋圓都好煙韌！

今日下午行過荃灣女朋友肚餓，見到求其有間糖水舖就入左去食。叫左楊枝甘露同心太軟雪泥，女朋友即刻問乜嘢係雪泥，點解唔係雪糕，已經知道可能中伏。碗楊枝甘露拿到尼食咗一啖，點知d 西米咁硬既？完來唔係西米係d 透明化學膠粒，果d 所謂雪泥仲離譜，係類似d 化學色素沙冰，食左兩口已經放棄，心太軟正常雪藏貨。d餐具又污糟，環境又污糟，隔離枱仲有人投訴話糖水入邊食到有昆蟲，個侍應阿姐又臭串唔認，而家比女朋友嘈話食完驚肚痛⋯⋯⋯

行完山，比個藉口自己食番個甜品補充下體力😆 呢間小店四年前已經想食，不過一直都嫌佢唔就腳，所以無去。今次由菠蘿壩行過嚟。甜品選擇好多，睇到眼花瞭亂!! 🙉以我平時點餐嘅認知，餐牌上面圖片越大，就越係餐廳嘅皇牌，產品就越有信心保證🤣 所以今次我地點左頭三張圖。呢度碗糖水好大碗!! 😯餐廳唔係用飯碗裝，而係用麵碗裝🙊 真係可以當正餐咁食😆紅豆湯蓮子芋圓(凍) $32雙色芋圓、粒粒紅豆、有蓮心嘅蓮子，用料豐富，甜度適中；芋圓無蕃薯同芋頭香，但非常有咬口。豆腐雪泥芋圓 $32實物同圖片都幾大出入😅😅個人覺得紅豆湯稀得制，有點失望。落柯打前問職員咩係雪泥，佢表示係類似雪粑嘅雪糕，所以豆腐雪泥，濃豆香得嚟又唔會好奶味。宇治豆花芋園 $32呢碗食完真心飽😋 豆花好滑，少少甜；宇治雪糕好茶味，正!!抺茶沙冰配雪泥 $31好似連D碎冰都係抺茶冰，所以茶味幾濃，加上好大杯，當日27度行完山飲好爽。無問到雪泥有無得揀味道，預設係未必人人都中意嘅奶味(起碼我呢枱有3個唔中意)🙉😂

#fatxtsuenwan #fatxhku‼️ 高質仙草‼️•① ［ 芋 圓 海 底 椰 仙 草 配 椰 子 雪 泥］ ｜基本上每次嚟我都一定會叫呢個𐤔(◍´͈ ᵕ `͈ ◍)𐤔只係$32用料已經好豐富！大讚佢哋嘅仙草+ 椰子雪泥！大大嚿滑捋捋！椰子雪泥其實就係類似雪糕～一路食一路溶之後成碗都會變到好𝚌𝚛𝚎𝚊𝚖𝚢!! ( 看圖二）佢哋亦都有好多選擇，所以一定有一款啱你食！|𓋪 9/10•Muzi Dessert (Tsuen Wan)Shop 31-33, G/F, Smartland, 16 Tsuen Wah Street, Tsuen Wan#hongkongfoodies #香港 #香港食物 #香港美食 #food #hongkong #foodie #hk #hongkongfood #hongkongfoodblogger #tsuenwan #tsuenwanfood #荃灣 #荃灣美食 #荃灣食好西 #荃灣食咩好 #香港大學站 #西環美食 #西環 #saiwan #saiwanfood

台式嘅芋圓同埋豆腐花不嬲喺香港都好Hit，今日食完晚飯之後同朋友想繼續傾偈聚一聚，就嚟咗呢度出名性價比高嘅甜品👍🏻雖然舖頭嘅空間唔係好多，座位都坐得迫夾，但係見到好多嘢食都比出邊市價平，好似係豆腐花系列、芋圓同埋心太軟🍫等等今晚我就經典嘅海底椰芋圓豆花配芒果沙冰🥭，食完返嚟夏日透心涼，豆腐花嘅口感好滑，海底椰又可以滋潤美顏，女仔食就啱👧🏻，再加埋口感超級chewy 嘅台灣芋圓，成個組合三十幾蚊又好食，性價比高😍

呢間係食芋圓既甜品店，價錢非常親民🥰有多款芋圓既配搭。1️⃣木子二號（$34） 有豆花、芋圓、芋泥、白玉同埋啲紫米汁。豆花份量好多，唔算好滑但係豆味香😋芋圓煙韌，有兩款，個人鍾意橙色既地瓜圓多啲，食得出微微地瓜既味道👍另外芋泥有唔算好滑，食到啲芋頭未磨碎既口感，都唔錯～呢個價錢黎講好抵食。  2️⃣宇治牛乳芋圓（$34）個賣相同我想像中有啲出入🙈不過味道唔差既。上到黎既時候係一碗滿既牛奶，加一球抹茶雪糕。撈下個底會有芋圓、紅豆、白玉。  3⃣️芒果仙草冰配雪泥（$30） 飲落好似細個飲許留山既果種味道，夏天黎飲好消暑～芒果沙冰加仙草同埋雪糕，全部嘢都係消暑必備！  4⃣️心太軟配香草雪泥（$44）呢個要等一陣既，心太軟朱古力味好濃🍫流心效果唔錯。濃濃既朱古力味加上雲尼拿雪糕一齊食，可以中和一下朱古力味既濃膩～  

天氣開始熱, 夜晚食完飯想食啲涼涼哋嘅嘢, 屋企附近就諗起木子甜品。 呢間荃灣嘅甜品店, 位於荃薈商場, pizza hut外賣店嘅側門隔離。🥭鮮芒仙草- $38內裏有仙草, 芒果同幾粒芋圓, 38蚊一碗, 都幾大碗, 比起一般糖水鋪大碗好多, 叫做抵食! 味道都唔錯, 仲有一個椰子🥥味嘅雪糕球, 芒果🥭好甜, 一啲都唔酸👍🏻 芋圓都好煙韌, 不過數量就少咗啲。🥭芒果帝國- $48芒果帝國係一個芒果布甸,再加一個芒果雪葩, 賣相都幾靚仔! 雪葩🍧好香芒果🥭味, 芒果布甸🍮就遜色咗少少, 布甸夠香滑, 但唔甜冇乜芒果味 , 上面鋪嘅芒果就夠甜喇! 舖名: 木子甜品地址: 荃灣荃華街16號荃薈商場地下G31-33號舖 ( 港鐵大窩口站B出口步行約9分鐘)#甜品#仙草#荃灣#大窩口#hkfoodie