木子甜品 (已結業)

-记得以前木子甜品有好多间分店，而家堂食都系30几蚊一碗糖水已经好难得，仲要系大大碗，先讲第一碗宇治豆花芋圆，见到OpenRice好多人推介，入面有红豆、抹茶雪糕、芋圆、地瓜圆同埋豆腐花，个汁主要系靠抹茶雪糕，溶咗之后捞嚟食，份量好多，我亦都觉得呢一个比后者更出色木子1号就系招牌菜，除咗芋泥芋圆白玉之外，都系豆花底，配以紫米露底，紫米露味道好淡，个人觉得可以再浓多啲，不过比左好多芋圆，钟意食芋圆可以拣木子1号，下次比起豆花更加想试仙草😗-▶︎宇治豆花芋圆 | $32▶︎木子一号（芋泥+芋圆+白玉） | $35-📌#sorriso_大窝口 #sorriso_荃湾区-🏠【木子甜品 Muzi Dessert】📍 荃湾荃华街16号荃荟地下G31-33号舖🕑星期一至日 13:00 - 23:45-#foodie #foodiehk #hkeats #不专业食评 #打卡 #相机食先 #食好西 #食评 #852foodie #吃货 #foodstagram #foodphotography #大窝口美食…查看更多

荃湾呢间甜品吸引到我，系因为有次经过见到有只猫喺里面，可惜当时无谂住食甜品。今次再去到荃湾，又想食甜品朋友就谂起呢到，决定去试下，而且睇下会唔会偶遇到猫猫。店内都有猫的装饰，可惜无见到猫猫。我哋试左2款甜品。芋圆海底椰豆腐花（$35）芋圆份量几多，烟烟韧韧。海底椰爽甜，估唔到嘅系豆腐花份量好多，加埋芒果雪糕，食完非常满足。椰汁紫米芋圆（$32）朋友食，好特别系佢有几粒汤圆，椰汁够香，同样，份量都好大。以呢个价钱有咁大份量嘅甜品好少见，下次有机会再试下其他。…查看更多

第一次黎食，我见网上推介呢间糖水店，一直想试，今晚同朋友食完晚饭，我咁岩经过入去试下，男老板好热情招待，服务非常好，叫了香芒小丸子，好香芒果肉，好有怀念许留山味道，白色个d椰子味雪糕，好好食，慢慢品尝，甜在心头，价钱真心唔贵，我下次一定再黎食…查看更多

见到都有d好评谂住试下 点知食咗一啖已经觉得可以Blacklist 个紫米露底劲淡 唔知放咗几多日 啲紫米稀又冇口感 好似食紧粥水 芋圆叫做正常因为现成嘅 不过唔会再晒钱..…查看更多

当日同朋友聚会，决定试吓呢间荃湾人嘅回忆小店😋结果冇令到我失望，啲芋圆好爽口弹牙，会话好食过我早排去台湾试嘅两间人气芋圆舖😂钟意食芋圆嘅朋友仔一定要去试吓，真系返唔到转头😍…查看更多