五匠六釜

营业中

休息中

Airside開左之後真係成為我嘅飯堂，今日下晝同狗狗玩完之後，就嚟到呢間餐廳食野😳我哋係比佢個北京填鴨吸引🤩因為我哋已經好耐冇食過啦😝餐廳環境好大，個設計令到成間餐廳個空間感非常大😍不過二人枱就迫少少，三樣餸就剛剛好，再叫多一樣就唔夠位😅落完單之後等咗10分鐘左右，主角北京填鴨就到啦，鴨子嘅外皮又薄又脆，鴨肉有汁又嫩，比想像之中好食😋，再配京蔥，青瓜，摩摩皮同甜醬一齊食，口感極佳❤️雞絲粉皮，份量適中，啲粉皮確係好滑👻撈埋啲青瓜絲，雞絲同麻醬一齊食，凍凍地好開胃👍🏻白菜豬肉，餃子好紮實，一咬就爆汁😊呢間餐廳絕對有下次😋食完之後，就明白點解全院滿座，出面又排晒長龍啦🥰