五匠六釜

啟德其實都幾多抵食既餐廳🤑有晚我同朋友去咗airside發現有間餐廳，價錢親民，份量又大，即刻睇下有幾正啦❗️🥢醉雞 ($78)雞肉嫩滑，酒香味濃，唔算太重口味，開胃👍🏻🥢四川擔擔麵 ($52) 麵條滑溜，醬汁香辣而且辣味適中，花生醬味都重，幾開胃🤗🥢黃金芥蘭 ($88) 呢道菜超級邪惡😈滿滿咸蛋黃香味，炒得剛剛好，芥蘭仲保持住脆口感，真心食到停唔到口🤣🤣🥢肉三鮮 ($50) 呢碟餃子有8粒，粒粒餃子都皮薄足料，餡料有豬肉、牛肉同埋蝦，食落好滿足🫶🏻🥢避風塘大蝦 ($108) 好有鑊氣，食落好惹味，亦唔會太辣，略嫌蝦唔夠入味，但都已經好有睇頭😆🥢脆炸鮮奶 ($8/件，四件起) 外面酥脆，裡面係滑滑嘅鮮奶，甜度剛好，雖然本身已經飽飽地，但我都食咗兩件，證明好味🤭Airside本身都好多餐廳，而呢一間性價比算唔錯，而且餐廳好大好多座位，與其同屋企人去飲茶，五匠六釜絕對可以係你另一個唔錯嘅選擇👍🏻…查看更多

2025年7月3日 星期四今晚專登去到啟德既airside食飯，仲已經一早揀左呢間餐廳，因為見到網上面話性價比十分高，特別係片皮鴨好抵食，所以就吸引左我呢個片皮鴨愛好者餐牌有好多食物可以選擇，種類繁多，價錢又真係好貼地，半隻片皮鴨連一份大約20塊既摩摩皮都只係$168，所以我哋叫左呢樣再加少少野食應該就夠晒一點完餐等左一陣飲品就黎到，係檸檬益力多，飲落去酸酸甜甜，檸檬味清新，乳酸味唔太重，似係益力多加咗檸檬汁咁，飲完即刻解晒膩，好適合配上重口味菜式之後有黃金芥蘭，鹹蛋黃炒到似金沙咁黏住芥蘭，每啖都食到鹹香同菜嘅清甜芥蘭爽脆冇渣，鹹蛋黃唔會太鹹，反而有種奶油感，令到整道菜口感好豐富跟住到我最期待既菜式出場，北京填鴨配摩摩皮，呢道菜上枱時已經聞到陣陣香氣，鴨皮金黃酥脆，咬落去「卜」一聲，油脂唔多但香氣十足，鴨肉細嫩而且冇腥味，啖啖都係濃郁鴨香摩摩皮方面，薄身煙韌，唔會太乾或太厚，包住鴨肉、青瓜、大蔥同甜麵醬，一啖咬落去層次分明，甜、鹹、香、脆、嫩一次過爆發，真係好有滿足感！！之後有呢碗秘製牛奔麵，一上枱就見到深色濃郁嘅湯底，滲出陣陣香料味，令人未食已經期待爆棚湯底應該用咗多種香料慢火熬製，入口香辣中帶微微甘甜，唔會太油膩，反而好順喉牛肉方面，真係「奔」得有誠意——有牛腩、牛筋、牛肚三種部位，牛腩炆得夠腍但唔散，牛筋煙韌有咬口，牛肚爽口冇腥味，每啖都食到唔同口感，好有層次感麵條係偏粗身，掛湯力強，唔會食到尾變淋，仲有啲爽口感添最後有呢碟白菜豬肉餃，睇落簡單，但味道絕對唔馬虎，餃子皮係偏薄身但唔易爛，入口煙韌，包住嘅餡料係鮮甜白菜同嫩滑豬肉，比例剛剛好，唔會太油亦唔會太乾咬落去有種自然嘅肉汁滲出，白菜帶出清新感，令到整體味道更加平衡食左咁多野人均消費都不過係二百蚊唔洗，真係好抵食！！…查看更多

最近喺啟德AIRSIDE試左間中菜餐廳【五匠六釜】🚩雖然只係平日晚上，但未夠7點已經差唔多坐滿😳睇menu有唔少菜式，價錢亦算幾親民～幾啱帶屋企人去食下！❥ 欖菜肉鬆炒飯 $82炒飯勁大份🍚粒粒分明，啖啖都有肉鬆既香氣！欖菜既鹹香味增添左風味，食落簡單但好味😋❥ 糖醋里脊 $88外脆內鬆軟，味道酸酸甜甜🍬，好醒胃！菠蘿咬落多汁，口感清新解膩🍍送飯食好正🤤❥ 黃金芥蘭 $88第一次食呢款菜式，好特別🤩黃金芥蘭口感清脆，炒得岩岩好，保持住芥蘭既新鮮味道！同時加左鹹蛋黃，令到成件事更加惹味，甚至都幾邪惡😈好香口既配搭😚❥ 鴨屎香檸檬茶 $28清新提神✨✨檸檬既酸味配搭鴨屎香既獨特風味🍋飲落去特別開胃💛❥ 檸檬益力多 $28清爽又健康，檸檬既酸甜同益力多既濃郁融合，飲落去既好味又解渴，正🥤…查看更多

位於啟德Airside六樓的「五匠六釜」，以親民價格與多元化菜單成為商場內人氣食肆，裝修簡潔，幾道招牌菜色充分展現其「平靚正」的定位。醉雞雞肉口感嫩滑，帶著酒香，香氣醇厚卻不過分濃烈，好味！肉三鮮餃子我們轉了做湯麵，每顆餃子皮薄餡足，內餡以豬肉、韭菜和蝦仁為主，入口鮮美豐富。麵條也十分彈牙爽滑。黃金芥蘭有驚喜！芥蘭裹滿金沙般的鹹蛋黃碎末，香氣濃郁卻不死鹹，與芥蘭的清甜相互平衡。檸檬益力多乳酸味道較預期清淡，類似檸檬乳酸飲料，解膩效果極佳。西米流心椰汁球外皮軟糯，內裡是流心的椰汁餡，西米口感彈牙，椰香濃郁，甜而不膩。整體而言，五匠六釜以實惠價格提供品質穩定的食物，片皮鴨性價比尤其突出，唯實在太多人了，我們要盡快吃完，然後盡快離開。有點美中不足。…查看更多

松鼠魚超好味佢起埋骨超級細心啖啖都係肉問返職員，原來佢哋係用新鮮魚去製作佢仲介紹我下次食蛋白魚不得不提好彩我哋揀食early dinner本身呢條魚要等30分鐘但勁快就起到菜當我哋開始食緊嘅時候，餐廳基本上已經滿左咁制脆炸鮮奶，都係好好食可惜佢最少要四條我哋兩個人食飯，其實都有其他小食都想叫但因為每樣都係四件起所以只能夠試到呢一個炸鮮奶餐廳都坐得舒服有啲麻煩就係去廁所要過對面個Block先去到而咁啱今日落雨，佢Block與Block之間係冇瓦遮頭，有少少淋雨咁樣行過去 。…查看更多

當晚看完煙花後，看到有巴士直去啟德，就直接上了，然後再在airside覓食，但其實很多餐廳都已經截單，看到這間餐廳很多人，而且也讓我們入去，就照入了，然後匆匆先叫了酸菜魚，之後再揀其他菜，其實環境還不錯的，因為座位闊落，然後酸菜魚不錯，娃娃菜也不錯，另一個是蔥爆羊肉，朋友嫌太多配料，即蔥白那些，但其實我OK的，因為我都很喜歡吃蔥白，基本上食物質素ok的，環境也不錯，如果比較夜的時間看到很多餐廳都關門，可以考慮這一間。…查看更多

最近口痕想食片皮鴨，但又唔想去太遠食，所以近近地就去左五匠六釜到食鴨🦆🍴北京填鴨（半隻）$168份量唔算少，兩個人夠食，鴨皮有油脂香，食落脆口，肉好乾身，好彩佢唔係一舊舊咁切，都算可以叫片皮鴨。配料有青瓜條，大葱絲同甜麵醬等既基本配備，青瓜正常應該切絲，但係佢切到勁大條，同埋甜麵醬勁鹹，千奇唔好點太多。食物上枱都算新鮮熱辣，餅都係啱啱蒸好即上，唔係翻叮，同埋一定要趁熱食，唔係會黐埋一舊🍴紅油抄手 $46本身預計會係四川口味食落會帶辣個種，點知係廣東既風格。食落甜口，無辣味，紅油接近無，個底全部都係豉油、糖、米醋等等既味，抄手主要靠蒜蓉同蔥花吊味。如果係鐘意甜口可以試，想食辣既唔好叫。🍴螞蟻上樹 $58 （午餐價）賣相非常開胃，煮法風格正宗，以辣為主，落落左好多花椒同辣椒，怕辣唔好叫。粉絲濃味，越食越想食，鹹香得來帶辣，食落口非常過癮，辣中帶麻，味道濃郁得來唔會覺得好油膩。🍴鴨屎香手打檸檬茶（+$18），茉莉花香水檸檬茶（$28）淡味，有檸檬但冇咩檸檬味，叫少冰幫我走咗冰，叫來只係想飲啖嘢都還可以，但如果想專登試就冇需要。…查看更多

聽朋友介紹Airside有間抵食夾大件嘅中菜店 就同朋友試下啦 揀咗幾款正常都唔會失手嘅菜式糖醋里脊 炸到脆口 酸甜味適中 一咬外脆內軟 成功做到糖醋肉效果 肉沾滿醬 擺咗一段時間都仲保持到脆口 肉亦稔身唔黏牙 唔錯農家炒飯 粒粒飯好分明 炒到好乾身 份量亦好充足 但完全食唔出有咩配料 除咗三色豆外 調味足夠 但就無咩特別雞絲粉皮 賣相好一般 味道亦無話好出色 中規中矩 青瓜絲都新鮮 同粉皮麻醬撈勻 都幾開胃 正常發揮北京填鴨 （半隻）包一份摩摩皮 北京填鴨最重要係個皮夠香脆 又有啖啖鴨肉在下 而皮亦要有麵粉香 喱個填鴨完全做到喱個效果 配埋青瓜 大蔥絲 同醬包埋一齊真係好好味 層次感十足 表皮軟入面香脆 新鮮得嚟不失鴨肉味 最欣賞佢嘅鴨皮 香燶嘅脆皮 應該新鮮即燒 最重要皮下脂肪唔厚 唔會一口油 美中不足係佢啲皮唔搵牛油紙分隔 好難分開佢哋黃金南瓜 黃金南瓜係將南瓜沾滿䶢蛋黃再炸 帶有䶢蛋黃味同時食到南瓜甜味 外脆內軟 一咬啲䶢蛋黃粉末黏住外皮 然後南瓜在內 南瓜軟糯 䶢香味十足又不失南瓜味 喱個都幾出色 喱個係今晚裡面最新鮮熱辣上枱嘅一碟醉雞 肉質同雞皮都好嫩滑 散發住淡淡酒香 雞肉入哂酒味 同樣酒亦帶住雞肉香氣 同行友人連酒都飲哂 好誇張 整體而言 喱間啲菜式平均價格都低於一百蚊 份量好大碟 味道都唔錯 最出色嘅係片皮鴨 拍得住專門店 值得一試 環境都算寬敞 坐得幾舒服 上菜速度好快 不過當日好多人 真係限時90分鐘趕你走 不過略嫌每款菜都唔算熱辣辣上枱 的確係欠缺穫氣 但喺商場價位同份量嚟睇 都算合理 …查看更多

五匠六釜呢間位於airside嘅餐廳都真係嚟過唔少次，由佢開業到而家基本上都係定期會嚟幫襯，原因好簡單，呢度啲嘢夠抵食，不論係晏晝定夜晚其實食物都好好食，價錢更加係好抵，服務態度亦都算絕對對得起呢個價錢！今晚我哋6:30就嚟到，估唔到餐廳都有一半位置已經坐滿，睇咗餐牌見到好多選擇，睇來睇去最尾都揀咗幾樣嘢都好滿。黃金芥蘭炒得清脆，加埋外面嘅鹹蛋黃，真係好惹味！蝦仁炒蛋雖然喺一度簡單嘅菜式，但係蝦仁好大隻，蛋亦都炒得相當好，唔會水汪汪。麻辣皮蛋都好出色，麻辣汁做得好好，加埋中間有好多青瓜，推介！到最後都要叫返個所謂嘅澱粉質，於是就叫咗上湯雲吞，清清地都幾好味，每一隻都包得好紮實，皮薄餡靚！…查看更多

假期等位好耐，足足等左成個鐘終於見到有人起身，等於見到希望，邊個知有位先生一行有好幾個人，來左幾分鐘，見有位，就不停為難門口個姐姐，吵住要佢比位，幾沒禮貌，不停要見經理，搞到我地攞到位都係十分鐘後喇邊個都係排隊，等人哋安排架嘛,我地來之前都打過電話想book位，但餐廳告知繁忙時間只做wallkin。坐底叫左好多嘢食，覺得之前等待係值得嘅，每個餸份量多得離譜，個個肚仔都食得脹卜卜，最中意佢哋黃金南瓜，加入鹹蛋黃炸到卜卜脆，一口咬落去又有南瓜清甜，基本停唔落口餐廳侍應每個都幾忙，我地都叫左幾次服務，沒次都有不同侍應過來服務，都算滿意。會同身邊朋友推荐呢間餐廳，對我地來講又多左一個聚會選擇…查看更多

昨晚家庭聚會，選了這間作晚餐！食物味道十分好吃！我們叫了片皮鴨、咕嚕肉、鹹蛋黃炸南瓜和蝦仁蛋炒飯，還叫了杯檸檬益力多。片皮鴨油脂香味十足，配上甜醬和青瓜配料，清爽又好吃！不過如果薄餅可以分開一格格就唔會分離得咁不便！鹹蛋黃炸南瓜超好食！外脆內軟，鹹蛋芒的鹹香味配搭南瓜的香甜，確實又好吃又邪惡！🤭一定要叫返杯檸檬益力多！超大杯！酸酸甜甜，邊吃邊喝，很解膩！👍🏻每次份量都很大，家人們也吃得很開心！❤️…查看更多

今晚去airside睇戲，順便係果度食埋晚飯。搵左間食上海菜既餐廳，突然之間好想食回鍋肉。我見呢間五匠六釜都好多人排隊，所以試吓先。我叫左幾個小菜都好好食，同埋份量十足味道又唔差，幾有驚喜。我叫咗黃金炒芥蘭，佢係用鹹蛋黃嘅蛋黃炒芥蘭，每一條芥蘭都爆滿鹹蛋黃。鍾意鹹蛋黃嘅愛好者一定必叫，同埋佢個芥蘭頭咬落去爽脆得黎裡面好嫩又多汁。仲有回鍋肉，佢個份量好多，而且甜甜辣辣好惹味，送飯一流。啲肉都唔少，又唔會炒到好乾身，仲有啲掛汁同埋啲蔬菜都好爽甜。另外仲有糖醋里脊，呢個真係估佢唔到好有驚喜，平時出面食佢嚿肉係好厚粉，呢度冇落粉炸，咬落去完全係豬肉，唔會食到好厚粉。同埋佢酸酸甜甜，再配埋啲配菜真係好開胃。飯都食多幾碗，不過佢呢度份量真係好足，叫咗三樣菜都食唔晒。同埋佢杯鴨舌檸檬茶真係幾正宗。茶底幾香同埋香水檸檬味酸甜得來好開胃。五匠六釜(九龍城)九龍城啟德協調道2號AIRSIDE 6樓L602號舖…查看更多

呢間餐廳環境企理，座位好多，食物選擇都好多款式，我地叫左一份煎羊肉餃子，煎到外脆內香，入面涵料有好多羊肉，而且一碟有8粒，外皮香脆沾上醋岩岩好。另外，我叫左一碗牛肉拉麵，拉麵份量好多好大碗，價錢好抵，而且牛肉鋪滿左成碗麵，食落牛腩煙韌又大塊，一碗只需大約60蚊，腩汁湯底濃郁，油麵多。京燒羊腩，烤至外皮香脆勁惹味，配香辣醬汁，脆口羊腩肉食落更有層次。餐廳：五匠六釜地址: 啟德協調道2號 Airside 6 樓 602 號舖…查看更多

同親友一聚，有人點名要食呢間話平靚正根據國際慣例，點名個位都係長坐直升機，伏伏伏伏伏。為免影響和諧相處，佢話咩就咩啦菜式係似京川滬，樣樣有啲啦。叫咗片皮鴨，砂鍋雲吞雞， 仲有啲小菜。上檯正正常常，重點同平價內地食店相似，得微暖嘅溫度。隻鴨無論皮，肉，青瓜同餅皮都係乾炆炆，肉又鞋。好似超市擺咗好耐吹到乾晒咁樣囉，鴨又瘦又柴皮。雲吞雞完全無驚喜，都係一煲嘢，樣樣淋淋地，雞肉無味但湯較咸。其他小菜餃子都係唔食無損失。Overall 感覺好似返上深圳食咁囉話食個半鐘，一個鐘就埋嚟清你檯，75分鐘直頭埋嚟要你埋單。 期間無咩招呼，正常茶記形式但加一茶錢…查看更多

五匠六釜🥢 黃金芥蘭 $88芥蘭淨係用左莖部，所以好甜冇苦味好爽脆🥰用咗鹹蛋醬炒，蛋黃炒到鹹香味岩岩好，完全沾滿左咸蛋黃係表面，唔會好乾😝-🥢 酸辣湯麵 $52酸辣麵份量好多，4個人都食唔晒，非常抵食🙈其實即係陽春麵不過轉咗酸辣湯做湯底，呢度個酸辣湯味道都幾傳統，酸味同辣味都好平衡😝-🥢 紅油抄手 $46紅油抄手皮薄餡味，啖啖肉🥰-🥢北京填鴨 半隻 $168摩摩皮一份有20塊，每塊都好薄☺️鴨嘅份量好多，皮好薄，燒到好脆…查看更多