影片
更多
2018-03-24
808 浏览
二人套餐 $288 x 2一間湯底同用料都有驚喜既懷舊feel中式打邊爐 鋪面無咩刻意佈置但枱櫈牆身望落又意外有幾分傳統味 枱與枱之間唔會密質質有足夠距離懶人症發作所以好快決定叫套餐唔使逐樣諗 兩款二人餐之間揀左呢款因為可以鴛鴦湯開心啲 湯揀左十下麻辣鍋拼養生豆乳白鍋落單好快已經成枱野食 枱夠大放得哂10+碟野食 非常豐富 食量細既朋友要俾心機作戰 我最後都淨左少少食唔哂罪過罪過麻辣湯味道調得好好食 店員建議我地先落鴨血味道之後會更加出 果然一試之下幾近台灣風既麻辣鍋 岩哂友人同我既口味材料太多揀重點講 三星蔥醬爆貢丸個人覺得必食 堪比食神入面既醬爆牛丸咁醬爆 提左友人佢都有粒咬到啲汁成條直線咁由枱面飛到地下 XD 另一份驟眼望落以為普通芝心丸咬落原來係第一次食到既流心粟米 有創意又好食! 果皮魚蛋細細粒 皺皮口感食落又唔錯! 所以呢度既丸類真心有水準手切本土牛肉幾有牛味不過好易過火喉變韌 薄片既牛胸膀油唔知咩黎 十下十下變左肥牛片既邊@@ 三寶滑包括辣椒牛筋馬蹄 咸蛋蝦 臘腸鯪魚 聽都未聽過夠新意 店員分別三次幫我地逐份邊落邊介紹我先記得住個名 個人鍾意前兩者 大大舊唔夠戰鬥力所以最
一間湯底同用料都有驚喜既懷舊feel中式打邊爐
鋪面無咩刻意佈置但枱櫈牆身望落又意外有幾分傳統味 枱與枱之間唔會密質質有足夠距離
懶人症發作所以好快決定叫套餐唔使逐樣諗 兩款二人餐之間揀左呢款因為可以鴛鴦湯開心啲 湯揀左十下麻辣鍋拼養生豆乳白鍋
落單好快已經成枱野食 枱夠大放得哂10+碟野食 非常豐富 食量細既朋友要俾心機作戰 我最後都淨左少少食唔哂罪過罪過
麻辣湯味道調得好好食 店員建議我地先落鴨血味道之後會更加出 果然一試之下幾近台灣風既麻辣鍋 岩哂友人同我既口味
材料太多揀重點講 三星蔥醬爆貢丸個人覺得必食 堪比食神入面既醬爆牛丸咁醬爆 提左友人佢都有粒咬到啲汁成條直線咁由枱面飛到地下 XD 另一份驟眼望落以為普通芝心丸咬落原來係第一次食到既流心粟米 有創意又好食! 果皮魚蛋細細粒 皺皮口感食落又唔錯! 所以呢度既丸類真心有水準
手切本土牛肉幾有牛味不過好易過火喉變韌 薄片既牛胸膀油唔知咩黎 十下十下變左肥牛片既邊@@ 三寶滑包括辣椒牛筋馬蹄 咸蛋蝦 臘腸鯪魚 聽都未聽過夠新意 店員分別三次幫我地逐份邊落邊介紹我先記得住個名 個人鍾意前兩者 大大舊唔夠戰鬥力所以最後放棄左後者 >< 冬粉麵身唔厚但非常有咬口 落麻辣湯超入味 怕辣者慎落! 菜類冬菇好juicy 生菜娃娃菜響鈴都係邊爐佳配 豬肉餃大件量少都ok
呢個價包左醬料飲品 友人見咳所以一個人吹左成渣凍竹蓆茅根解下熱氣
最後對店員服務點讚一下 主動幫我地加湯加水落魚滑介紹餐牌 我都無諗過打餐邊爐都會咁好心機寫咁多 市面有質素既各款邊爐都好難平過兩舊 貴多少少食返質素我覺得至少可以一戰
张贴
