影片
更多
2022-08-25
351 浏览
侍應看見我哋三人，推介我們叫一個二人套餐再加多個主菜。睇完餐牌後覺得係好提議。除了加多個意粉之外，我哋再加多四隻生蠔。個蕃茄湯香噴噴！好濃好香，本身係一個好開始！只可惜問侍應攞個碗去share嘅時候，他竟然回答：老細叫唔可以比多個碗你地，你哋自己諗辦法分咗佢啦！ 我真係O晒嘴😧。係乜嘢服務態度？定係我嘅問題，唔應該expect 叫二人套餐佢哋奉旨俾個碗我哋分？（雖然我哋有加其他嘢）我唔想破壞當日嘅氣氛，因為難得同兩位朋友聚一聚，所以我將自己杯水飲晒，然後用個水杯來飲湯。個侍應行過見到，佢仲夠膽講：嘩！你真係用個杯嚟飲呀？我答：係呀，你叫我哋諗辦法，呢個係我嘅辦法。佢仲繼續答：係呀，老細話唔准比碗嘛…..無言…….坦白講，我相信如果我哋問其他侍應，可能都係唔俾碗，但態度應該會好好多。這個拼盤整體好食的。我尤其鍾意個蘑菇炸球，蘑菇味好香濃。煙三文魚同Parma ham 都好得👍🏻。呢個生蠔好爽甜，滿意👍🏻龍蝦肉都OK，新鮮爽口、不霉肉的。個湯汁好香好正！青口蜆肉都好好味，但反而俾個湯搶晒鏡（喺我嘅心目中）。呢個豬腩肉真係好難忘，經過餐湯事件之後，其實我心好唔舒服，但食每道菜都覺得好好味，同
個蕃茄湯香噴噴！好濃好香，本身係一個好開始！只可惜問侍應攞個碗去share嘅時候，他竟然回答：老細叫唔可以比多個碗你地，你哋自己諗辦法分咗佢啦！ 我真係O晒嘴😧。係乜嘢服務態度？定係我嘅問題，唔應該expect 叫二人套餐佢哋奉旨俾個碗我哋分？（雖然我哋有加其他嘢）
我唔想破壞當日嘅氣氛，因為難得同兩位朋友聚一聚，所以我將自己杯水飲晒，然後用個水杯來飲湯。個侍應行過見到，佢仲夠膽講：嘩！你真係用個杯嚟飲呀？
我答：係呀，你叫我哋諗辦法，呢個係我嘅辦法。
佢仲繼續答：係呀，老細話唔准比碗嘛…..
無言…….
坦白講，我相信如果我哋問其他侍應，可能都係唔俾碗，但態度應該會好好多。
餐湯
21 浏览
1 赞好
0 留言
這個拼盤整體好食的。我尤其鍾意個蘑菇炸球，蘑菇味好香濃。煙三文魚同Parma ham 都好得👍🏻。
特色主廚拼盤
25 浏览
0 赞好
0 留言
呢個生蠔好爽甜，滿意👍🏻
4隻生蠔
22 浏览
0 赞好
0 留言
龍蝦肉都OK，新鮮爽口、不霉肉的。個湯汁好香好正！青口蜆肉都好好味，但反而俾個湯搶晒鏡（喺我嘅心目中）。
馬賽龍蝦海鮮鍋
19 浏览
0 赞好
0 留言
呢個豬腩肉真係好難忘，經過餐湯事件之後，其實我心好唔舒服，但食每道菜都覺得好好味，同埋有另一位侍應主動幫我換咗個杯，呢位侍應嘅服務態度我好欣賞，其實其他侍應都好好，淨係嗰位阿叔態度要執一執。講返呢個豬腩肉，啲皮脆到呢.呢.呢！怕熱氣嘅我都放膽去食，跟住個肉諗到呢，平時揀唔食肥嘅我，都食埋。連個薯蓉同羽衣甘藍配菜都滋味無窮👍🏻
香橙烤豬腩
44 浏览
0 赞好
0 留言
雖然看似係一個平平無奇嘅蜆肉意粉，但意粉煮得啱啱好，蜆肉新鮮，個汁又香，整體超滿意👍🏻
蜆肉意粉
17 浏览
0 赞好
0 留言
我每度菜都讚不絕口，但唯獨甜品真係好唔掂！士多啤梨tiramisu 第一次見，梗係要試吓啦！原來用咗杏仁酒，成浸藥水味，又太過甜，我同另一位朋友都好唔欣賞！但另外一位朋友覺得好食的，仲食晒添！
士多啤梨tiramisu
17 浏览
0 赞好
0 留言
整體坐得舒服的，上菜時間快，餸菜之間都給予我們時間去進食。除咗餐湯事件之外，我很滿意今餐的食物質素，和某幾位侍應的服務態度。
张贴
