影片
更多
2020-05-05
116 浏览
鰹烏冬都算犀利，古代有大禹治水三次過家門而不入，我都唔記得咗去過鰹烏冬幾多次，次次門外都成棚人排緊隊，我冇耐性，最後唯有去食附近嘅黃店，結果周圍嘅黃店都食勻哂，鰹烏冬要到今晚先至第一次食。今晚算好彩，等咗半個鐘就有得入座，等嘅時候店員已經畀定餐牌揀嘢食，所以一坐低冇耐就有得食。叫咗天婦羅鰹魚半湯冷烏冬，急不及待食一啖，就已經覺得好感動：讚岐烏冬係勁煙韌勁煙韌勁煙韌😍，估唔到食烏冬都可以有 al dente 嘅感覺，撈埋冰凍又鮮甜嘅鰹魚汁一齊食，真係人間極品。天婦羅共有五件，包括冬菇，茄子，海老同埋兩種魚，全部都炸得外脆內軟，天婦羅炸漿薄薄一層，唔會成寸粉咁厚，入面嘅食材依然 juicy，特別係其中一條魚，魚肉又軟又滑，好食到不得了。由於架製麵機就放咗喺我前面，一邊食，一邊睇住師傅即場製造烏冬，感覺寧舍新鮮。不過正正係由於即製即煮，很花時間，加上店內座位非常有限，所以就算出面等位嘅人唔算多，等嘅時間都要好耐，今晚仲忽然有人外賣幾個生麵餅，結果出面嘅人唯有漫長的等待😂......
今晚算好彩，等咗半個鐘就有得入座，等嘅時候店員已經畀定餐牌揀嘢食，所以一坐低冇耐就有得食。叫咗天婦羅鰹魚半湯冷烏冬，急不及待食一啖，就已經覺得好感動：讚岐烏冬係勁煙韌勁煙韌勁煙韌😍，估唔到食烏冬都可以有 al dente 嘅感覺，撈埋冰凍又鮮甜嘅鰹魚汁一齊食，真係人間極品。
天婦羅共有五件，包括冬菇，茄子，海老同埋兩種魚，全部都炸得外脆內軟，天婦羅炸漿薄薄一層，唔會成寸粉咁厚，入面嘅食材依然 juicy，特別係其中一條魚，魚肉又軟又滑，好食到不得了。
由於架製麵機就放咗喺我前面，一邊食，一邊睇住師傅即場製造烏冬，感覺寧舍新鮮。不過正正係由於即製即煮，很花時間，加上店內座位非常有限，所以就算出面等位嘅人唔算多，等嘅時間都要好耐，今晚仲忽然有人外賣幾個生麵餅，結果出面嘅人唯有漫長的等待😂......
张贴
