漁火海鮮刺身火鍋

营业中

休息中

位於銅鑼灣 《漁火海鮮刺身火鍋》地點優越，銅鑼灣地鐵一出不需一分鐘就到，占盡地理優勢，店鋪裝修以卡位為主，坐位寬敞舒適。先黎一支自家制竹蓆茅根水，竹蓆味道濃，唔會好甜，甜度控制得好好。先黎一個前菜，椒鹽海中蝦，份量都有驚喜，中蝦size比預期還要大，啖啖肉口感，鮮甜爽彈，好新鮮，椒鹽味道適中，令中蝦味道多一個層次。-火鍋湯底，花膠響螺焞赤肉，用焞湯做湯底真係唔講得笑，湯料十足，花膠、嚮螺、赤肉豬骨同雞腳，仲有蟲草花，呢個湯非常補氣血，滋補養顏；先品嘗呢個焞湯，入口味道鮮甜，膠質豐富，非常掛口。-手切本地鮮牛頸脊，牛頸脊肉質結實有咬口，牛味濃郁，牛味越𡁻越香。-蘇格蘭聖子皇，珍寶級size，滿足口感，只須係焞湯焯10數秒，肉身離壳就係最好口入時機🤗，肉質鮮嫩，口感爽彈。-大花甲，肥美脆彈，肉質鮮甜帶些小海水咸味，非常新鮮。-嚮鈴，上枱都係珍寶級size🤗🤗，好大條，即叫即炸，非常酥脆，係焞湯掃幾秒，一邊索汁，但仍保持酥脆，豆味好香濃。-招牌雲吞皇，都係珍寶size級🤗，好鬼大隻，皮薄餡靚，肉味鮮甜，每隻雲吞都包裹一隻大蝦🍤，非常鮮美。