影片
更多
2010-02-10
22 浏览
今日提早預祝食團年飯..雖然未齊人 但都有11個人,今年早左咁岩今日平日 D人明顯未食團年飯 所以有位^^ 環境係古舊少少既FEEL...入到去有陣煙燻咁既味 好古香~!但未必個個鍾意其實來左好多年...成日聽到人話D野麻麻 有時覺得佢地唔係太識叫我地就好簡單次次食都係差唔多個D野.. 但次次都好滿足今次照舊叫左好多野(小食花生同酸菜 ,個酸菜真係好食)1. 燻蹄 (冷盤)2. 西芹鴨掌(冷盤)4. 素鵝(冷盤) 正到冇人有...佢係煙薰的唔同出面個D..真係係出面食過咁多冇一間俾佢好食.....大家係搶住食 15秒冇晒3.40隻水餃... 加醋食正4. 20隻鍋貼...新鮮熱辣出爐...底好脆5. 3碟韮王肉絲炒拉麵..真係手拉..而且好好食好香6. 2隻山東燒雞.... 雖然明知係冰鮮雞...但都好好食7. 叉子燒餅...我地冇叫配菜放入去食..就咁食好香...脆口而且有層好似食蘇皮既咁感覺(鍾意可以自己搵野放入去一齊食)8. 當然唔少得北京填鴨..你想食熱既就勸大家叫一隻...如果叫半隻你唔好彩有人係你之前叫...而你又隔左一陣先叫可能你就係食唔係岩岩煮出來個隻喇..9. 醬炒鴨
但未必個個鍾意
其實來左好多年...成日聽到人話D野麻麻 有時覺得佢地唔係太識叫
我地就好簡單次次食都係差唔多個D野.. 但次次都好滿足
今次照舊叫左好多野
(小食花生同酸菜 ,個酸菜真係好食)
1. 燻蹄 (冷盤)
2. 西芹鴨掌(冷盤)
4. 素鵝(冷盤) 正到冇人有...佢係煙薰的唔同出面個D..真係係出面食過咁多冇一間俾佢好食.....大家係搶住食 15秒冇晒
3.40隻水餃... 加醋食正
4. 20隻鍋貼...新鮮熱辣出爐...底好脆
5. 3碟韮王肉絲炒拉麵..真係手拉..而且好好食好香
6. 2隻山東燒雞.... 雖然明知係冰鮮雞...但都好好食
7. 叉子燒餅...我地冇叫配菜放入去食..就咁食好香...脆口而且有層好似食蘇皮既咁感覺
(鍾意可以自己搵野放入去一齊食)
8. 當然唔少得北京填鴨..你想食熱既就勸大家叫一隻...如果叫半隻你唔好彩有人係你之前叫...而你又隔左一陣先叫可能你就係食唔係岩岩煮出來個隻喇..
9. 醬炒鴨殼 最後將填鴨殼拿左去炒...但都因為之前太飽 呢隻唯一一樣食唔晒...
本來想影相...但我想講因為太肚餓...D野一來到就狂風掃落葉...阿姐佢都呆左....食完真係飽到上心口....連甜品 咩高力豆沙 涼粉都食唔落, 我有舅父係做廚房 連佢都一邊一邊話正...
所以話其實好食既野真係好多 最緊要識叫.... 真係食得好滿足...每年團年飯我地都選呢度GA
服務就阿姐好D喇..幾位阿姐都比較熱情體貼 成日都幫我地換碟..問D野齊未, 同埋成日幫我地加水個D. 雖然都叫左7支汽水...但食咁飽到既野真係要飲下茶消消濟...
张贴