阿木台灣麵 (豉油街) (已搬遷) 新店位置

肉燥豆苗食飯盡可能都會叫碟菜，比較健康，少有會係豆苗，菜吸哂肉燥汁，幾好味，滷肉肥瘦均勻，唔會太油膩，送飯食一流。麻醬拌麵麵條偏闊身口感煙韌，濃香麻醬撈麵吃得滿腔芝麻香，然後同青瓜絲撈埋一齊，口感豐富同時惹味。台灣小香腸香腸表皮微焦，咬落Q彈有咬感。夾住蒜片一齊入口，香氣濃郁之餘有少少辛辣，完美融合台灣在地風味。紅燒牛肉麵牛𦟌勁厚又大塊，牛筋炆得好林，加埋酸菜一齊食好味，湯底濃淡適中，飲左都唔會好口渴。