Rustico

营业中

休息中

老闆吹雞食lunch梗係要食好西啦，呢間西班牙餐廳符合晒，食物好價錢西，老細俾錢冇所謂啦。頭盤揀咗西班牙傳統番茄凍湯配銀魚柳水煮蛋及麵包脆脆、脆炸”Ricotta”芝士忌廉球配蜂蜜芥末醬、蟹肉牛油果藜麥沙律。main course揀咗澳洲龍蝦燴飯、傳統西班牙海鮮飯、清酒芝麻油自家醃製三文魚柳配燴雜豆。西班牙傳統番茄凍湯配銀魚柳水煮蛋及麵包脆脆：味道不錯，都幾地道脆炸”Ricotta”芝士忌廉球配蜂蜜芥末醬：個蜂蜜芥末醬幾好食，芝士忌廉球比想像中細粒，味道一般啦蟹肉牛油果藜麥沙律：三個之中呢個好似味道最好澳洲龍蝦燴飯：龍蝦嘅新鮮程度只屬一般，講真，有少少失望，近期成日話澳洲啲龍蝦降價但似乎呢個龍蝦燴飯冇受惠傳統西班牙海鮮飯：啲海鮮配料都算新鮮，不過個燴飯煮得太乾而且有少少黐碟底清酒芝麻油自家醃製三文魚柳配燴雜豆：佢嘅三文魚柳煮到over咗少少，所以肉質比較乾身，不過味道都ok的個set lunch仲有一杯餐飲同甜品跟埋，不過per head要$240，荔枝角區都真係有啲高。