影片
更多
2023-09-07
43 浏览
今晚好想食啲重口味嘅嘢，一於去食印度餐！Anjappar Chettinad Indian Restaurant係全世界都有分店嘅印度餐廳，地方乾淨企理，而且我哋覺得味道都幾正宗。食物選擇好多，眼闊肚窄！Chicken Lolly Pop 好好味，係炸到香脆嘅小雞鎚，味道香濃惹味👍🏻👍🏻👍🏻 一路食一路飲like soda，非常搭配。另一個必食推介係薄荷雞塊，味道特別得來好好食，味道比較清新，香滑雞肉大大件，啖啖肉，食肉獸表示滿足☺️呢度啲DOSA 印度薄餅好多人食，我哋叫咗雞肉煎餅，超級大塊的！！！DOSA 入面好多雞肉，仲有四款醬汁，我哋覺得有一款綠色嘅醬汁同雞肉煎餅好夾。然後就食咗我哋每次食印度嘢都會點嘅Butter Chicken Masala 配牛油烤餅，烤餅好香牛油味，一份兩大件，點咖喱汁食好正。仲有，芒果印度奶昔都值得試吓，香甜美味。呢度啲食物分量十足，下次多啲人一齊食，試多啲款式。
Anjappar Chettinad Indian Restaurant係全世界都有分店嘅印度餐廳，地方乾淨企理，而且我哋覺得味道都幾正宗。食物選擇好多，眼闊肚窄！
Chicken Lolly Pop 好好味，係炸到香脆嘅小雞鎚，味道香濃惹味👍🏻👍🏻👍🏻 一路食一路飲like soda，非常搭配。
另一個必食推介係薄荷雞塊，味道特別得來好好食，味道比較清新，香滑雞肉大大件，啖啖肉，食肉獸表示滿足☺️
呢度啲DOSA 印度薄餅好多人食，我哋叫咗雞肉煎餅，超級大塊的！！！DOSA 入面好多雞肉，仲有四款醬汁，我哋覺得有一款綠色嘅醬汁同雞肉煎餅好夾。
然後就食咗我哋每次食印度嘢都會點嘅Butter Chicken Masala 配牛油烤餅，烤餅好香牛油味，一份兩大件，點咖喱汁食好正。
仲有，芒果印度奶昔都值得試吓，香甜美味。
呢度啲食物分量十足，下次多啲人一齊食，試多啲款式。
张贴
