The Musicbox Grill House & Bar

銅鑼灣美國風扒房以音樂做主題，周圍貼滿海報和黑膠唱片，仲會播住美國歌手影片😀4courses brunch 抵食基本上咩都有齊仲好足料。4couses 最平$88就有，唔錯唔錯。凱撒沙律撒滿鹹香的車打芝士粉😆生菜爽脆，凱撒沙律醬咸香，加上香脆麵包、煙肉，更能增添層次。新英倫周打蜆湯口感非常細膩幼滑，有陣陣海鮮的鮮香，入邊有洋蔥同煙肉粒粒。另外一個湯係羅宋湯，入邊有大量蔬菜，而且帶有蕃茄香氣。金黃香脆蒜容包蘸上湯汁極為美味。海鮮拼盤唔想食咁多碳水一定係揀海鮮拼盤，卡真汁配海鮮，鮑魚厚肉又爽口香，青口、蜆、蝦幾大隻，八爪魚咬落去爽脆有口感，粟米香甜多汁，焗薯吸收曬海鮮味道更為吸引。草飼澳洲肉眼牛扒配烤薯雙蛋牛扒色澤誘人帶燒烤網紋烤痕，食落有香烤味道👅五成外表烤至金黃，中央有著明顯烤痕，散發著誘人的肉香，啖啖濃郁的牛肉香。兩隻煎蛋都係半生熟，牛肉可蘸上少許蛋漿更為美味。法式焦糖燉蛋表面覆蓋著一層金黃色的焦糖😍即叫即燒，輕輕敲穿焦糖，焦糖脆脆燉蛋混合香甜軟滑，蛋香十足。