cafe TOO

Item: cafe TOO
Rating: 4
Author: i3kristy

530 食记

味道

环境

服务

卫生

抵食

23622

金钟

$401-800

西式自助餐酒店餐厅

复制到剪贴板

300

119

i3kristy

等级4

117

因為信用咭有優惠(x展銀行) 可以有25% off...仲有買3送1...
加上cafe TOO既口碑都唔錯...according to OPENRICE!
所以就BOOK左4位, 同屋企人去試下呢個tea buffet啦~
下午茶BUFFET有時間限制係3:30-5:30PM
但我都覺得時間好足夠...打電話book位既職員好有禮貌...
我特意要求職員留張近food counter既位置...
不過可惜當日太多客人, 職員只係求其俾左張近窗口位的...
當日非常之曬非常之熱...同埋太多客人, 冷氣相對地唔夠...
所以都坐得唔太舒服, 3點半坐低左真係會出汗, 4點半之後好少少...

頭盤有好多泰式食物, 多數係冷盤, 我鍾意個鴨肉with青瓜...
都食左幾轉...可惜真係太多人排隊了...
鴨肉好大件 (其實講真碟碟size都唔同, 但有d職員好人就會拎大件果d俾客人)
鴨肉唔會太肥, d肉有肉汁, 味道似燒味....青瓜都好爽脆呀...

我特別中意佢d東南亞式甜品...有d似泰式, 有d似越南式...
有好重椰香味之餘, 又唔會太甜,配上d煙煙un un的椰果和蘭香子...
好清新...同埋又夠凍...真係好岩夏天...不過唔知點解會放在頭盤那邊??

另外有意米水都係我既大愛...一樣好濃味, 同埋唔會太甜...
我都飲左起碼5杯呀!!! 同埋佢地仲會包一杯餐飲...
可惜杯凍檸茶就真係超級難飲...所以我飲左一啖就放棄左...
又繼續飲返意米水...佢仲有另外兩款, 我屋企人都話好好飲....

之後就食魚生了...拎左好多round,同埋每次會要求個師傅切某d部位...
如果唔係果d刺身就會冇咁好食...有d師傅仲會俾有筋既刺身你...
但如果你事先要求某部位, 就可以食到好野...
我鍾意佢個吞拿魚&三文魚, 都好肥美同埋新鮮...
反而d壽司就麻麻地喇...賣相唔多吸引&包到散收收...

佢仲有中式點心, 叉燒包呀燒賣果d...可惜樣樣都唔好味...
所以冇再encore...仲有其他熱食的stir fry food都係好一般...

move on去甜品...佢個cheesecake真係超級無敵好味!!!
相片的最左手邊...上面有好多berries, 都好甜唔酸既...
下面黃色既就係cheesecake, 真係好濃芝士味...
同埋口感非常細滑, 如果閣下個胃有quota一定要食呢個!!

反而其他甜品都係一般, 個fruit tart都好食, 生果係甜既...
可能浸過糖水...但佢既crust同埋custard都比西餅店好食好多...

最後食左佢既pancake炒雪糕, 都有好多種口味...
我最鍾意芒果雪芭...同埋整pancake師傅都好有心機...
個皮厚薄適中, 完全包住哂雪糕, 仲有芒果肉粒...
我最後淋上士多啤梨醬...真係好好食...唔似街邊果d咁少材料...

屋企人整左果d什果冰有涼粉椰果荔枝肉etc etc
佢地都話好食, 味道材料甜度全部自己調較...
款式非常之多選擇...所以我地一家人都食得相當開心...