影片
更多
2024-02-05
56 浏览
Auntie Malay 嘅環境好別緻，無論係餐具定整體裝潢都睇得出係用心裝修，有種濃濃嘅南洋風情。- 迷你魚醬蝦米春卷：上網睇返原來係馬來西亞嘅賀年食品嚟！微辣而極度鬆脆，一咬落去就食到香噴噴嘅魚醬蝦米香味～呢個小食好惹味～好開胃呀。- 瑪萊沙嗲 (雞肉 / 豬肉) 各3串：無論係雞肉定豬肉，肉質都好鮮嫩Juicy，烤到香氣四溢，再沾上濃郁嘅花生醬，串燒好味٩(*´∇`)۶- 亞參酸辣沙巴仔配黃金油條：味道比較濃郁，除咗食到濃郁嘅亞參酸辣汁外，仲有沙巴魚嘅鮮甜味～沙巴魚啖啖肉，唔算多骨，一啲魚腥味都冇～配菜係醃製過嘅菠蘿、白蘿蔔、青瓜，而且仲附上非常脆口嘅油條，用嚟點醬汁食好正！- 海南雞鑊仔飯：估唔到份量咁多！三個人食都夠！而且上桌前，店員會即場將蔥油、海南雞等撈落鑊仔飯中，招呼周到( ´꒵` )海南雞肉極級嫩滑，鑊仔飯香噴噴，飯粒分明，而且裡面仲有切片嘅臘腸！成個飯好香油香～熱辣辣食真係不得了～～- 班蘭咖椰多士：個多士脆架！！本身佢哋係用白多士～不過今日太好賣賣晒～所以佢哋幫我哋轉咗做呢款黑多士～喺出面食嘅咖椰多士，多數比較甜～而多士都好少會烘到咁脆身（一係就烘到變硬脆，一
Auntie Malay 嘅環境好別緻，無論係餐具定整體裝潢都睇得出係用心裝修，有種濃濃嘅南洋風情。
- 迷你魚醬蝦米春卷：
上網睇返原來係馬來西亞嘅賀年食品嚟！微辣而極度鬆脆，一咬落去就食到香噴噴嘅魚醬蝦米香味～呢個小食好惹味～好開胃呀。
- 瑪萊沙嗲 (雞肉 / 豬肉) 各3串：
無論係雞肉定豬肉，肉質都好鮮嫩Juicy，烤到香氣四溢，再沾上濃郁嘅花生醬，串燒好味٩(*´∇`)۶
- 亞參酸辣沙巴仔配黃金油條：味道比較濃郁，除咗食到濃郁嘅亞參酸辣汁外，仲有沙巴魚嘅鮮甜味～沙巴魚啖啖肉，唔算多骨，一啲魚腥味都冇～配菜係醃製過嘅菠蘿、白蘿蔔、青瓜，而且仲附上非常脆口嘅油條，用嚟點醬汁食好正！
- 海南雞鑊仔飯：
估唔到份量咁多！三個人食都夠！而且上桌前，店員會即場將蔥油、海南雞等撈落鑊仔飯中，招呼周到( ´꒵` )
海南雞肉極級嫩滑，鑊仔飯香噴噴，飯粒分明，而且裡面仲有切片嘅臘腸！成個飯好香油香～熱辣辣食真係不得了～～
- 班蘭咖椰多士：
個多士脆架！！本身佢哋係用白多士～不過今日太好賣賣晒～所以佢哋幫我哋轉咗做呢款黑多士～
喺出面食嘅咖椰多士，多數比較甜～而多士都好少會烘到咁脆身（一係就烘到變硬脆，一係就淋咗）呢度嘅多士烘得金黃酥脆，再塗上班蘭咖椰醬，甜度適中，啱晒唔係太好甜食嘅人～
- 凍話梅蜂蜜梳打：
冇諗過係咁好飲！
本身一上桌啜咗兩啖覺得冇乜味～點知放耐咗少少，話梅開始軟身，話梅肉開始溶出嚟，融合咗蜂蜜同梳打水。話梅嘅甘甜加上蜂蜜嘅香氣，同埋梳打水嘅氣泡，好解渴，好好飲。
- 凍馬來拉茶：
老公話好香濃！！奶夠滑，茶味夠香，同出面飲嘅奶茶好唔同，好值得一試！
张贴
