大圍小館

营业中

休息中

母親節沒有時間同媽咪慶祝，所以今晚帶媽媽去大圍小廚補返。大圍小廚好近大圍港鐵站，而且同事試過都話正，所以決定帶媽咪試吓。去到見到門口有很多紅紅燈籠掛在門口，非常古色古香，店舖內有長長膠片相隔，在這疫情下食得非常安心。店舖職員非常有禮貌。前菜合桃，甜蜜香甜。我同媽咪叫左店鋪非常出名嘅第一叉，佢哋嘅叉燒切得非常厚，接近一吋厚一舊，配上蜜汁，又香又淋，真係名不虛傳。😋😋。之後係豉油皇鮮鵝腸，鵝腸非常新鮮非常爽口，配合豉油皇和芽菜，非常美味，媽媽好欣賞。我哋又揀咗啫啫唐生菜煲，生菜配合蝦醬係絕配，再用煲仔上，一打開蓋熱辣辣和美味嘅蝦醬撲鼻，正👍。媽媽揀左三馫籠仔蒸飯吃，蒸飯用咗銀魚仔、魷魚同蝦干一齊蒸，好有飯味，整籠飯比我地清哂。牛肝菌炆豆腐亦係媽咪喜好，這個素菜做得非常不錯。最後重有甜品椰汁紅豆糕同蒟蒻綠豆馬蹄爽送，真係非常美滿嘅一餐。大圍小廚重有懷舊失傳菜食，下次同媽咪再試吓先。